កាលពីថ្ងៃទី១០ ខែធ្នូ ឆ្នាំ២០២៣ កន្លងទៅ មានករណីម្ចាស់ផ្ទះបានប្រើហិង្សាទៅលើចោរម្នាក់ ដោយបានជ្រុលដៃយកកូនកាំបិតចាក់ទៅលើចោរ។
ជនសង្ស័យឈ្មោះ អាន វណ្ណនី ជាម្ចាស់ផ្ទះ ស្នាក់នៅផ្ទះជួល លេខ៣០CE0 ផ្លូវលេខ៦៧០ ក្រុមទី១០ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ ចំណែកជនរងគ្រោះដែលជាចោរ ត្រូវម្ចាស់ផ្ទះចាក់ស្លាប់នោះមានឈ្មោះ កន វឿន ភេទប្រុស មុខរបរ ដើររើសអេតចាយ។
បើតាមចម្លើយជនសង្ស័យដែលជាម្ចាស់ផ្ទះបានប្រាប់ថា៖” ខណៈចោរកំពុងចូលលួចទ្រព្យសម្បត្តិនៅក្នុងផ្ទះលោក គាប់ជួនរូបលោកក៏មកដល់ ហើយចោរនោះបានទាញយកកាំងបិតដេញកាប់មកលើខ្លួន ហេតុដូច្នេះខ្លួនក៏ជ្រុលដៃយកកូនកាំបិតចាក់ចោរវិញស្លាប់តាមផ្លូវពេលកំពុងរត់គេចខ្លួន ពីការដេញកាប់របស់ចោរនោះ។
ជុំវិញករណីនេះ យើងមានតែរងចាំមើលសមត្ថកិច្ចជំនាញ ធ្វើការសាកសួរទៅលើជនសង្ស័យឈ្មោះ ដែលជាម្ចាស់ផ្ទះនោះ និងចាត់ការបន្តតាមនីតិវិធីតែប៉ុណ្ណោះ៕
