សួនឧទ្យានតាមដងទន្លេ ដែលវែងជាងគេនៅរាជធានីភ្នំពេញ នឹងផុសឡើងនៅលើក្រុងរណបកោះនរា ក្រោមការអភិវឌ្ឍន៍របស់ក្រុមហ៊ុន OCIC នេះបើយោងតាមការលើកឡើងរបស់លោក អគ្គនាយករងក្រុមហ៊ុន OCIC លោក ទូច សំណាង។
សួនឧទ្យាននេះ មានទីតាំងស្ថិតនៅស្របតាមទន្លេ មានប្រវែងសរុប ៤.២០០ម៉ែត្រ ដែលបច្ចុប្បន្នការសាងសង់សួនឧទ្យាននេះ សម្រេចបានប្រមាណ ១ភាគ៣នៃគម្រោងហើយ។
សួននេះ មានឈ្មោះថា កោះនរាផាកវ៉េ ដែលត្រូវបានបង្កើតឡើងជាសួនឧទ្យានបែបរចនាបទថ្មីមួយ ហើយប្លែក និង ដែលវែងជាងគេនៅក្រុងភ្នំពេញ។
គួរបញ្ជាក់ថា ទីក្រុងរណបកោះនរា ស្ថិតក្រោមការវិនិយោគរបស់អ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលក្រុមហ៊ុន វិនិយោគទុនអនិកជនកម្ពុជា ហៅកាត់ (OCIC) ហើយក៏ជាអគ្គនាយកធនាគារ កាណាឌីយ៉ាផងដែរ៕
