កោះតូចមួយ ស្ថិតនៅសមុទ្ររាម ដែលគេស្គាល់ថាជាកោះក្របី មានចម្ងាយប្រហែល ៧ គីឡូម៉ែត្រ ពីឆ្នេរសមុទ្រខេត្តព្រះសីហនុដែលមានផ្ទៃក្រឡាទំហំប្រមាណ ១២ ហិកតា បច្ចុប្បន្ន ត្រូវបានអភិវឌ្ឍប្រែក្លាយកោះនេះ ទៅជារមណីយដ្ឋានដ៏ប្រណីតមួយ និងលំដាប់ខ្ពស់ផងដែរ។
ភ្ញៀវទេសចរណ៍អាចធ្វើដំណើរតាមទូកចេញពីភាគខាងត្បូងនៃក្រុងព្រះសីហនុប្រមាណជា ២០ នាទីតែប៉ុណ្ណោះ នោះប្រិយមិត្តនឹងទៅដល់កោះដ៏ប្រណីតហ៊ុមព័ទ្ធជុំវិញទៅដោយផ្ទៃសាគរដ៏ធំល្វឹងល្វើយមួយនេះ។
មិនតែប៉ុណ្ណោះ នៅលើកោះធម្មជាតិមួយនេះ ក៏មានកន្លែងលេងកម្សាន្ត កន្លែងសម្រាកបែបឯកជន ងូតទឹកលេងកម្សាន្ត ធ្វើដំណើរលើស្ពានគយគន់ទេសភាពនៅជុំវិញកោះ រួមទាំងលក្ខណៈពិសេសជាច្រើនទៀត៕
