ក្ដាត គឺជាដំណាំមួយដែលក្នុងតំបន់ភូមិភាគអាស៊ីយើងនេះពេញនិយមក្នុងការដាំដុះ ថ្វីវាត្បិតតែរមាស់បន្តិចមែន ប៉ុន្តែឆ្ងាញ់ គេអាចយកវាទៅច្នៃធ្វើម្ហូបឱមានជារសទទួលទាន ម្យ៉ាងទៀតវាក៏ជាឱសថព្យាបាលជំងឺបានជាច្រើនប្រភេទហើយមានប្រសិទ្ធភាពខ្ពស់ទៀតផង។
ខាងក្រោមនេះក្រុមការងាររបស់យើង នឹងរៀបរាប់ពីបច្ចេកទេសដាំក្ដាតឆាប់ទទួលបានផល និងទទួលទិន្នផលខ្ពស់។
១/-ការជ្រើសរើសពូជ
ជ្រើសរើសមើមក្តាត ណាដែលធំល្អមកទុកសម្រាប់ធ្វើពូជដាំ។
២/-ការរៀបចំដីមុនពេលដាំយើងភ្ជួរ២ទៅ៣ដង។ភ្ជួរលើកទី១ដើម្បីកំចាត់ស្មៅដោយមុនភ្ជួរយើងបាញ់ថ្នាំកំចាត់ស្មៅហើយទុករយះពេល៣ទៅ៧ថ្ងៃទើបភ្ជួរលើកទី២ហើយរាស់អោយរាបស្មើរតែម្ដង ។
៣/-ការដាំដុះ និងប្រើជី
-លើករងទទឹង ៥តឹកចន្លោះ១ម៉ែត្រពីរងមួយទៅរងមួយ
-ឆូតចង្អូរកណ្ដាលរង ឬកាប់រណ្ដៅទំហំ ១.៥តឹក ជម្រៅ២-២តឹក ៤ជ្រុងគំលាតពីរណ្ដៅមួយទៅមួយ ៥-៦តឹក
-ដាក់ជី(ជីលាមកសត្វ និងជីកំប៉ុស)រួចលុបវិញ
-ដាក់ដាំក្ដាតនៅលើរង ឬរណ្ដៅ
-យកមើមក្តាតមកស្ទូងនៅក្នុងស្រែដែលបានរៀបចំរួចដោយមានសំណើមខ្ពស់ ។
៤/-ការថែទាំ និងប្រមូលផល
-ស្រោចទឹកពេលដីស្ងួត
-ជ្រុំគល់ដកស្មៅ
-ដាក់ជីអ៊ុយរ៉េ ឬលាមកសត្វរៀងរាល់២សប្ដាហ៏ម្ដង
-ការពាររោគបំផ្លាញ
-ប្រមូលផលក្រោយពីដាំបានរយះពេល២ ខែអាចប្រមូលផលបានហើយ ៕