សំឡេងរបស់ ធីតា ដាវីកា រងការរិះគន់ពីអ្នកលេងបណ្តាញសង្គមនិងជំរុញកុំឱ្យចេញចម្រៀងទៀត

បទថ្មីរបស់ ធីតា ដាវីកា អ្នកចម្រៀងក្នុងផលិតកម្មហ្គាឡាក់ស៊ី កំពុងតែធ្វើឱ្យអ្នកលេងបណ្តាញសង្គមទិកតុកបញ្ចេញមតិវែកញែកយ៉ាងច្រើន។ សំឡេងរបស់ ដាវីកា ក៏ត្រូវបានមនុស្សចំនួនប្រៀបធៀបនឹង អាណារ៉ូស អ្នកខ្លះទៀតជំរុញឱ្យនាងកុំចេញចម្រៀងទៀតអី។

ចូលរួមជាមួយផលិតកម្មហ្គាឡាក់ស៊ីកាលពីឆ្នាំ២០២៤ មកទល់នឹងបច្ចុប្បន្ននេះ ធីតា ដាវីកា មានបទចម្រៀងចេញផ្សាយមិនក្រោម២០បទនោះទេប៉ុន្តែយ៉ាងណាសម្រាប់កេរ្តិ៍ឈ្មោះរបស់អ្នកចម្រៀងរូបនេះពុំសូវទទួលប្រជាប្រិយភាពទូលំទូលាយឡើយ។ ជាពិសេសថ្មីៗនេះ ធីតា ដាវីកា រងការរិះគន់យ៉ាងច្រើនពីអ្នកលេងបណ្តាញសង្គមទៅលើទឹកដមសំឡេងរបស់នាង។

ទិកតុករបស់ផលិតកម្មហ្គាឡាក់ស៊ី បានចេញផ្សាយវីដេអូខ្លីនៃបទ «លែងខ្វល់ហើយ» របស់ ធីតា ដាវីកា មុននឹងចេញផ្សាយជាផ្លូវការនៅថ្ងៃទី២៦ មិថុនា។ វីដេអូនេះបានទាក់ទាញអ្នកលេងបណ្តាញសង្គមបញ្ចេញមតិប្រតិកម្មមកកាន់អ្នកចម្រៀងចំណូលថ្មីរូបនេះ។

ទស្សនិកជនបានបញ្ចេញមតិថា «លែងខ្វល់ពីអ្នលស្តាប់ហើយ, សំឡេងហ្នឹងខ្ញុំរកយូរហើយ មិនបាច់ច្រៀងទៀតទេ, ស៊ីដាច់រ៉ូសហើយ, ខ្វះតារាមែន? ពីរោះតើបង តែចេញតែ១បទហ្នឹងបានហើយណា, សំឡេងពិបាកស្ដាប់ណាស់, ភ្លេងដោយភ្លេង ចៀងដោយចៀង»។

ជាមួយនឹងមតិរិះគន់ជាច្រើនទៅលើទឹកដមសំនៀង ប៉ុន្តែមនុស្សមួយចំនួនបានសរសើរ សម្រស់របស់ ធីតា ដាវីកា ថាសំឡេងមិនបានតែបានស្អាតយោង។ អ្នកមួយចំនួនទៀតក៏ជំរុញឱ្យអ្នកចម្រៀងរូបនេះមើលការបញ្ចេញមតិយោបល់របស់ទស្សនិកជនដើម្បីកែប្រែដុសខាត់សមត្ថភាពរបស់ខ្លួនបន្ថែមទៀត៕