ជាកូនកាត់ឡាវនិងមិនអាចអានអក្សរបាន SlideO បានប្រកួតប្រជែងជាមួយនឹងបេក្ខភាពរាប់ពាន់នាក់រហូតឈានដល់ TOP3 នៅក្នុងកម្មវិធីប្រលងចម្រៀងរ៉េប។ សមត្ថភាពរបស់ SlideO បានធ្វើឱ្យមនុស្សជាច្រើនមានការទទួលស្គាល់ទោះបីជារូបគេមិនបានលើកពានក្តី។ ទិសដៅសិល្បៈកាន់តែបោះជំហានទៅមុខ SlideO ក៏មិនភ្លេចដឹងគុណទៅកាន់ វីន វិទូ ដែលជា Captain ផងដែរ។ វិទូ បានបង្ហាញការជឿជាក់របស់ខ្លួនទៅលើសមត្ថភាពកូនក្រុមរបស់លោកហើយនិយាយថា SlideO អនាគតនឹងភ្លឺត្រចេះត្រចង់។.png)
នៅថ្ងៃទី៨ ខែឧសភា ឆ្នាំ២០២៦ SlideO បានចែករំលែករូបថតអនុស្សាវរីយ៍ក្នុងថ្ងៃប្រកួតជាមួយនឹង វីន វិទូ អមដោយការដឹងគុណថា « Captain ខ្ញុំមានពាក្យជាច្រើនក្នុងចិត្តសម្រាប់លោកគ្រូ អរគុណសម្រាប់ពេលវេលា ការអត់ធ្មត់ និងថាមពលដែលបានណែនាំខ្ញុំគ្រប់យ៉ាង។ ទោះបីខ្ញុំជាមនុស្សពិបាកបង្រៀនក៏ដោយ ប៉ុន្តែ Captain នៅតែជួយដោយមិនដែលបោះបង់ខ្ញុំឡើយ ខ្ញុំពិតជាសរសើរចំពោះការដែល Captain តែងតែនៅកណ្ដាលគ្រប់ស្ថានភាព គាំទ្រក្រុម និងផ្តល់ថាមពលវិជ្ជមានទៅកាន់មនុស្សគ្រប់គ្នាជុំវិញខ្លួន»។
SlideO លើកឡើងទៀតថា «ភាពជាអ្នកដឹកនាំរបស់ Captain មិនមែនមានតែការងារប៉ុណ្ណោះទេ ប៉ុន្តែថែមទាំងលើកទឹកចិត្តឲ្យមនុស្សមានអារម្មណ៍រឹងមាំ និងមានកម្លាំងចិត្តបន្តទៅមុខអរគុណដែលតែងតែនៅទីនេះ ជឿជាក់លើយើង និងបង្កើតថាមពលល្អៗសម្រាប់ក្រុម វាមានន័យខ្លាំងណាស់សម្រាប់ខ្ញុំ ហើយខ្ញុំពិតជារីករាយ និងដឹងគុណដែលបានធ្វើការជាមួយ Captain »។ ពាក្យពេចន៍ដ៏មានអត្ថន័យនេះ វីន វិទូ បានបង្ហាញការឆ្លើយតបដោយក្តីសោមនស្សរីករាយដោយបញ្ជាក់ពីការចែករំលែកបទពិសោធន៍ ការតស៊ូ ជាមួយគ្នានាពេលកន្លងមក។
វីន វិទូ បានឆ្លើយតបទៅកាន់ SlideO វិញថា «អរគុណប្អូនសំលាញ់ សម្រាប់អត្ថបទដ៏មានន័យនេះ។ បងមិនល្អឥតខ្ចោះទេ ហើយភាព មិនល្អឥតខ្ចោះនេះហើយដែលបន្តឱ្យបងប្រឹងប្រែងបន្តទៀត។ ចំពោះការចែករំលែកបទពិសោធន៍ ក៏ដូចគ្នា បើយើងមិនបើកចិត្តទទួល គឺយើងមិនបានរៀនអ្វីទាំងអស់ បន្តែប្អូនបើកចិត្ត ទទួលស្គាល់ នៅអ្វីដែលមិនធ្លាប់ឆ្លងកាត់ នេះបង្ហាញថាប្អូនពិតជាចង់ក្លាយជា ជើងឯកនៃខ្លួនឯង ពិតមែន។ Let’s keep this energy with you brother. I believe you will have a bright future»។
ការដឹងគុណនិងការគោរពស្រលាញ់រវាង SlideO និង វីន វិទូ បានធ្វើឱ្យអ្នកគាំទ្រជាច្រើនពេញចិត្តនិងគាំទ្រអ្នកទាំងពីរ។ គួរឱ្យដឹងថា SlideO ទទួលបានពានរង្វាន់មួយជាមួយនឹងទឹកប្រាក់៨លានរៀលផងដែរនៅក្នុងការប្រកួតកន្លងមកនេះ៕
