លេងស្ទាយ៍បែបសក់រួញជាមួយនឹងការនិយាយភាសាបរទេស ផន ស្រីពី ត្រូវបានបុគ្គលិកអាជ្ញាធរជាតិអប្សរាស្នើសុំការឆែកលិខិតឆ្លងដែននិង Visa ។ ទោះជាយ៉ាងណា វីដេអូនោះបានជំរុញឱ្យមានការជជែកវែកញែករហូត Miss Cosmo Cambodia 2025 ចេញវីដេអូបកស្រាយ។
ផន ស្រីពី បាននិយាយថា នាងបានឃើញការខម្មិនវែកញែកជាច្រើនទាក់ទងនឹងវីដេអូរបស់នាងដោយមិនបាននិយាយភាសាខ្មែរហើយមានការឆែកសួររក Passport ចំណែក Visa ក៏សំខាន់ដូចគ្នា។ ស្រីពី ថាអ្នកមួយចំនួនប្រតិកម្មយ៉ាងខ្លាំងទៅកាន់បុគ្គលិកអប្សរា ខណៈនាងស្នើឱ្យមានការបើកចិត្តឱ្យទូលាយបន្តិចពីព្រោះនេះគឺជាការងាររបស់គាត់។ Miss Cosmo Cambodia 2025 បានបន្តទៀតថាបុគ្គលិកគឺត្រូវឆែកម្តងហើយម្តងទៀតពីព្រោះអ្នកខ្លះអាចកាន់លិខិតឆ្លងដែនខ្មែរប៉ុន្តែមិនមែនខ្មែរ ចំណែកអ្នកខ្លះទៀតកាន់លិខិតឆ្លងដែនរបស់ខ្មែរប៉ុន្តែមិនមែនជារបស់ខ្លួនឯងក៏មាន។
ផន ស្រីពី បានបន្ថែមទៀតថា ចំពោះមតិយោបល់ដែលថានាងមិនព្រមនិយាយជាភាសាខ្មែរទៅចាំបាច់អីនិយាយជាភាសាអង់គ្លេស ដោយបវរកញ្ញារូបនេះបញ្ជាក់ថានេះគឺជា Content ព្រោះនាងបានរៀបចំមានការថត មានទាំងម៉ៃជាប់ខ្លួននាងថែមទៀត។ ជារួមមកមិនថាការរិះគន់សម្តៅមកកាន់នាងឬក៏បុគ្គលិកអាជ្ញាធរជាតិអប្សរាដែលត្រួតពិនិត្យតឹងរឹង ផន ស្រីពី ស្នើឱ្យអ្នកលេងបណ្តាញសង្គមព្យាយាមបើកចិត្តឱ្យទូលាយ។
គួរបញ្ជាក់ផងដែរថា ផន ស្រីពី ធ្លាប់បានតំណាងកម្ពុជាប្រកួតនៅលើឆាក Miss Cosmo 2025 ដោយឈានជើងចូលទៅក្នុងចំណាត់ថ្នាក់ TOP21។ ការប្រកួតនេះគឺជាលើកទី២ ដែល ស្រីពី តំណាងប្រទេសកម្ពុជាបន្ទាប់ពីការប្រកួត Miss Intercontinental 2024៕
