ជី ដេវីត បង្ហោះសារវែងអន្លាយក្រោយមានការចោ.ទប្រកាន់ថា ទេព បូព្រឹក្ស រកស៊ីនឹងវប្បធម៌

បង្ហាញវប្បធម៌ខ្មែរបែបសហសម័យនៅឯផ្លូវថ្មើរជើងចតុមុខកាលពីពេលថ្មីៗនេះដើម្បីចុះកុងត្រាជា BA ផលិតផលថ្មីការសម្តែងរបស់តារាចម្រៀង ទេព បូព្រឹក្ស ត្រូវបានអ្នកស្អប់ចោទប្រកាន់ថារកស៊ីនឹងវប្បធម៌ថែមទាំងប្តឹងដល់ខាងលើថាសិល្បៈបុរាណរាំអម និង រាំពីក្រោយសម័យ។ បំបាក់ទឹកចិត្តទាំងដែលជាមនុស្សស្រលាញ់និងលើកស្ទួយវប្បធម៌ពិតប្រាកដត្រូវគេជាន់ឈ្លីបែបនេះ ជី ដេវីត បានចេញមុខនិយាយរៀបរាប់យ៉ាងវែងអន្លាយជំនួសភរិយា។

វេលាម៉ោង ១ជាងទៀបភ្លឺឈានចូលថ្ងៃទី៣ ខែមីនា តារាចម្រៀង ជី ដេវីត បានរៀបរាប់នៅលើបណ្តាញសង្គមផ្ទាល់ខ្លួនថា «មានទុក្ខរួមទុក្ខ បានសុខចាក់រុកជាន់ពន្លិច ទេព បូព្រឹក្ស វប្បធម៌ទូលជាប់ក្បាល សូមមេត្តាកុំជាន់ក្បាលមើលស្រាលបេះដូងដ៏បរិសុទ្ធយើងខ្ញុំ កុំឱ្យយើងខ្ញុំឈឺចាប់ កុំសម្លាប់ភក្តីភាពដ៏ស្មោះស្មក្ររបស់យើងខ្ញុំចំពោះការចង់ទ្រទ្រង់ឱបក្រសោបដោយមនោសញ្ចេតនាស្នេហាដួងព្រលឹងជាតិ»។ លោកបានសង្កត់ធ្ងន់ថា លោកនិងភរិយាមិនរកស៊ីនឹងវប្បធម៌នោះទេ គឺមានតែការចែករំលែកឱបក្រសោបលើកទូលដោយសមត្ថភាព និង លទ្ធភាពជាក់ស្តែងដែលជាឱកាសអាច បង្ហាញ និងរក្សាបាន។

ការចោទប្រកាន់លាបពណ៌មកកាន់ ទេព បូព្រឹក្ស ជី ដេវីត បានបញ្ជាក់ថាចាប់ពីពេលនេះទៅពួកគេជូនភារៈនេះដល់អ្នកដែលរួមគ្នាចាក់រុកឆ្កឹះឆ្គាលចង់បំផ្លាញ់អ្នកទាំងពីរ សូមធ្វើភារៈកិច្ចរបស់អ្នកឱ្យបានប្រសើរជាងការចាក់រុក។ លោកថាបទ « វីរៈនារី និង ទេវរាជ» មិនមែនទើបតែកើតការសម្តែងពីម្សិលមិញទេគឺសម្តែងចូលជាកាន់ឆ្នាំហើយទាំងនូវក្នុងឆាកជាតិ និង អន្តរជាតិ ក្បួនខ្នាតត្រូវបានឆ្លង និងពិនិត្យយ៉ាងដិតដល់ទាំងការផលិត M/V និងការសម្តែងលើឆាក ទាំងមាន Sponsor និង អត់Sponsor។

ជី ដេវីត ថាបើច្រណែនមិនពេញចិត្តជាន់ចុះ តែកុំឱ្យព្រោះតែលុយធ្វើឱ្យខ្វាក់ កុំព្រោះតែលុយធ្វើឱ្យបាត់បង់ផលប្រយោជន៍ធំ និងផលប្រយោជន៍រួម កុំព្រោះតែមិនបានផលលាភចូលហោប៉ៅខ្លួនទើបបណ្តាលចិត្តឱ្យខំចាក់រុកឆ្កឹះឆ្គាលបំផ្លាញកាត់ផ្លូវនូវដំណើរមួយនេះ។ លោកនឹងឱ្យបំណងប្រាថ្នារបស់អ្នកដែលចង់ពុះបំបែកបេះដូងភរិយាលោកដែលយកព្រលឹង ព្រមទាំងអាជីពមកផ្សាភ្ជាប់ ជាមួយនឹងការងារសហសម័យមួយនេះជោគជ័យ នូវពេលដែលអ្នកបំផ្លាញជោគជ័យអ្នកក៏ត្រូវហ៊ានទទួលលទ្ធផលដែលកើតឡើងនូវពេលដែលលើផ្លូវដ៏កម្សត់មួយនេះ លែងមានដានជើងពួកគេ។

ជាមួយនឹងការបង្ហោះសារខាងលើនេះ ជី ដេវីត បានបញ្ជាក់ថាមានអ្នកប្តឹងទៅលើថាពួកគេប្រើប្រាស់សិល្បៈបុរាណរាំអមនិងរាំពីក្រោយសម័យ ប្រើប្រាស់សិល្បៈបុរាណជាសហសម័យដើម្បីធ្វើជាអជីវកម្មប្រម៉ូតផលិតផលឱ្យ Sponsor ជារូបភាពមិនសមរម្យ គួរតែឱ្យមេរៀន និងពិនិត្យឡើងវិញ។ ជី ដេវីត ថាក្នុងនាមជាប្តីជាអ្នកផលិតចម្រៀង TOP OF THE LADY ទេវរាជ ចតុរង្គគុនខ្មែរ ព្រមទាំង យុទ្ធសង្រ្គាម ‘ បើប្រហែល ទេព បូព្រឹក្សហើយនៅមានគេគិតថាបំផ្លាញទៀតក៏វាល្អមើលដែរឱ្យដឹង ស ខ្មៅ ម្តងទៅ។

តារាចម្រៀងរូបនេះបានបង្ហើបឃ្លាចុងក្រោយថា «គិតទៅពេលខ្លះវាអាចដែរដើម្បីផលប្រយោជន៍មួយក្រុមតូចអត់បានលាភចូលហោប៉ៅគេអាចចង់ដកយើងចេញកុំឱ្យវាជាបន្លាក្នុងទ្រូងក៏ថាបាន»៕