ថ្មីៗនេះទស្សនិកជនមានការចាប់អារម្មណ៍យ៉ាងខ្លាំងទៅលើតារាសម្តែងអាម៉េរិក AnnaLynne McCord ដែលបង្ហាញខ្លួននៅប្រទេសកម្ពុជា។ តារាស្រីរូបនេះបានបង្ហាញថាទោះបីជានាងជាជនជាតិអាម៉េរិកប៉ុន្តែរូបនាងមានបេះដូងជាខ្មែរ។ ជាមួយនឹងសេចក្តីស្រលាញ់ជ្រាលជ្រៅ AnnaLynne បានស្នើឱ្យពិភពលោកឈរជាមួយនឹងកម្ពុជា។
នៅថ្ងៃទី៥ ខែមករា ឆ្នាំ២០២៦ ក្រសួងទេសចរណ៍បានបង្ហាញវីដេអូមួយពីជនបរទេសម្នាក់ដែលគេដឹងថាជាតារាសម្តែងអាម៉េរិក Annalynne ។ ក្នុងវីដេអូនេះតារាសម្តែងវ័យ៣៨ឆ្នាំរូបនេះបាននិយាយថានាងមានឈ្មោះថា អាណាលីន ម៉ាកខត ជាជនជាតិអាម៉េរិកប៉ុន្តែមានបេះដូងជាខ្មែរ។ Annalnne ក៏បាននិយាយជាភាសាខ្មែរថា «ខ្ញុំស្រលាញ់កម្ពុជា» ផងដែរ។ ប្រើភាសាបេះដូងមកនិយាយ Annalnne ថាកម្ពុជាគឺសន្តិភាពដោយស្នើឱ្យពិភពលោកឈរជាមួយនាងគាំទ្រកម្ពុជាជាមួយនឹងការសាមគ្គីភាព មេត្តាករុណា និងសន្តិភាព។
Annalynne បានលើកឡើងទៀតថាប្រជាជនខ្មែរមានភាពអត់ធ្មត់ និងរឹងមាំហើយស្រស់ស្អាតណាស់។ មិនត្រឹមតែប៉ុណ្ណោះតារាសម្តែងរូបនេះក៏បានបង្ហាញថាកម្ពុជាឆ្លងកាត់រឿងមកជាច្រើនហើយ និងបានអំពាវនាវឱ្យពិភពលោកជ្រើសរើសសេចក្តីស្រលាញ់ ការសាមគ្គី និងមេត្តាករុណាមិនថាប្រជាជនកម្ពុជា ប្រជាជនអាស៊ីអាគ្នេយ៍ អាស៊ី ឬពិភពលោកនោះទេ។
មិនត្រឹមតែតារាសម្តែងអាម៉េរិក AnnaLynne ប៉ុណ្ណោះទេដែលបង្ហាញការស្រលាញ់ចូលចិត្តមកកាន់ប្រទេសកម្ពុជាដកចិត្តមិនរួច។ កន្លងមកតារាសម្តែង Angelina Jolie និងជនបរទេសដទៃទៀតជាច្រើនពេលបានមកលេងកម្សាន្តនៅប្រទេសកម្ពុជាហើយពួកគេពិតជាចូលចិត្តទឹកដីមួយនេះណាស់។
ថ្មីៗនេះទៀតសោត ជនបរទេសដែលមកកម្សាន្តនៅខេត្តសៀមរាបហើយបានលេងហ្គេម temple run នៅក្នុងជីវិតពិតបានធ្វើឱ្យមានការចាប់អារម្មណ៍ទូទាំងពិភពលោកដោយត្រឹមតែ រយៈពេល៣ថ្ងៃប៉ុណ្ណោះមានការចុច Like ៥លាននាក់ និងមានការចូលទស្សនារហូតដល់២៣លានដង៕
