កញ្ញា ពេជ្រ វត្តីសារ៉ាវឌ្ឍី និងតារាម៉ូដែល មាលា បានធ្វើឱ្យទស្សនិកជនចាប់អារម្មណ៍យ៉ាងខ្លាំងបន្ទាប់ពីអ្នកទាំងពីរដើរបង្ហាញម៉ូតសំលៀកបំពាក់ប្រ៊េនកូនខ្មែរនៅក្នុងកម្មវិធីធំមួយនៅឯប្រទេសចិន។ សម្រស់របស់ ពេជ្រ វត្តីសារ៉ាវឌ្ឍី និង មាលា បានធ្វើឱ្យជនបរទេសមានការចាប់អារម្មណ៍យ៉ាងខ្លាំង។
ដូចប្រិយមិត្តមួយចំនួនជ្រាបមកហើយថា ពេជ្រ វត្តីសារ៉ាវឌ្ឍី និងស្រីស្រស់ មាលា បានដឹកដៃគ្នាចេញទៅប្រទេសចិនចូលរួមកម្មវិធីមួយដំណាលនឹងការចេញទៅប្រកួតរបស់ ផន ស្រីពី កាលពីថ្ងៃទី២៤ ខែវិច្ឆិកា។ មុននឹងកម្មវិធីបង្ហាញម៉ូតមកដល់ មាលា និង ពេជ្រ វត្តីសារ៉ាវឌ្ឍី បានបង្ហោះរូបភាពស្និទ្ធស្នាលជាមួយគ្នាឱ្យអ្នកគាំទ្របានឃើញផងដែរ។
អ្វីដែលធ្វើឱ្យអ្នកទស្សនាព្រឺសម្បុរគឺនៅពេលតារាម៉ូដែល មាលា និង ពេជ្រវត្តីសារ៉ាវឌ្ឍី បានបង្ហាញម៉ូតសំលៀកបំពាក់ ALmée Couture ដែលជាប្រ៊េនស្នាដៃកូនខ្មែរក្នុងកម្មវិធី Sanya Fashion Week 2025។ កាលពីមុន មាលា បានដើរម៉ូតសំលៀកបំពាក់នេះនៅឯទីក្រុង New York សហរដ្ឋអាម៉េរិក។ ការដើរម៉ូតរបស់ ពេជ្រ វត្តីសារ៉ាវឌ្ឍី និង មាលា បានទាក់ទាញក្រសែភ្នែកទស្សនិកជនជាច្រើនទាំងក្នុងស្រុកនិងក្រៅស្រុក។ អ្នកទាំងពីរទទួលបានមតិសរសើរពីអ្នកលេងបណ្តាញសង្គមថា ពួកគេមានភាពស្រស់ស្អាតខ្លាំង បើមិនស្គាល់ជាមុនទេគិតស្មានថាជារូប AI ។
គួរឱ្យដឹងថា ពេជ្រ វត្តីសារ៉ាវឌ្ឍី និង មាលា ធ្លាប់បានចូលរួមកម្មវិធី fashion show នៅវៀតណាមជាមួយនឹងកម្មវិធី Tik Tok កាលពីខែកញ្ញា នេះជាមួយគ្នាផងដែរ។ អ្នកទាំងពីរគឺជាដៃគូដ៏ស័ក្តិសមជាមួយគ្នាដែលអ្នកគាំទ្រស្រលាញ់ចូលចិត្ត ជាពិសេសថែមទាំងមានបំណងចង់ឱ្យអនាគត មាលា និង ពេជ្រ វត្តីសារ៉ាវឌ្ឍី ថតរឿង GL ជាមួយគ្នាទៀត៕
