សមសួនណាស់! ស៊ីន យូប៊ីន ឆ្លៀតបង្ហាញពីវប្បធម៌ខ្មែរនៅក្នុងកម្មវិធីមហោស្រពភាពយន្តកម្ពុជាអាស៊ី លើកទី៣

តារាសម្តែង ស៊ីន យូប៊ីន និង តារាសម្តែង Samantha Ko បានក្លាយជាទូតសុឆ្ឆន្ទៈក្នុងមហោស្រពភាពយន្តកម្ពុជាអាស៊ីលើកទី៣ដែលប្រព្រឹត្តទៅនៅរាជធានីភ្នំពេញកាលពីពេលថ្មីៗនេះ។ ព្រឹត្តិការណ៍នេះកញ្ញា ស៊ីន យូប៊ីន បានធ្វើឱ្យទស្សនិកជនសរសើរមិនដាច់ពីមាត់ពីព្រោះរូបនាងឆ្លៀតបង្ហាញពីវប្បធម៌ខ្មែរផងដែរ។

តាមរយៈវីដេអូដែលបានចែករំលែកនៅលើបណ្តាញសង្គម ស៊ីន យូប៊ីន និងនាដការីរបាំបានបង្ហាញការសម្តែងរួមគ្នាតាមរយៈបទចម្រៀងមនោសញ្ចេតនាមួយបទ ខណៈបទនោះនៅមិនទាន់ចេញជាផ្លូវការនៅឡើយ។ ការសម្តែងរបស់ ស៊ីន យូប៊ីន ពីសិល្បៈរបាំខ្មែរបង្ហាញរាងល្វត់ល្វន់ធ្វើឱ្យមនុស្សជាច្រើនបញ្ចេញមតិថា ស្រស់ស្អាតខ្លាំងនិងជាមនុស្សពូកែ។



ទោះបីជាមិនមែនជានាដការី ប៉ុន្តែការសម្តែងរបស់ ស៊ីន យូប៊ីន គឺពិតជាធ្វើឱ្យអ្នកគាំទ្រស្ងប់ស្ញែងទេពកោសល្យរបស់នាង។

នេះមិនមែនជាលើកទី១នោះទេសម្រាប់កញ្ញា ស៊ីន យូប៊ីន ឆ្លៀតបង្ហាញពីវប្បធម៌ខ្មែរឱ្យអន្តរជាតិបានឃើញ មិនថាស្ថិតក្នុងប្រទេសឬក្រៅប្រទេសតារាស្រីរូបនេះតែងតែឆ្លៀតធ្វើរឿងជាច្រើនសម្រាប់សិល្បៈវប្បធម៌និងដើម្បីប្រទេសកម្ពុជា។ ការខិតខំរបស់ ស៊ីន យូប៊ីន នាពេលកន្លងមកត្រូវបានបំផ្លាញទឹកចិត្តមួយចំណែកដែលជៀសមិនផុតក្នុងគ្រាកន្លងមកនេះបន្ទាប់ពីប្រទេសកម្ពុជានិងថៃមានជម្លោះព្រំដែន។

ទោះបីមនុស្សជាច្រើនបានរិះគន់នាងក្តី ប៉ុន្តែកញ្ញា ស៊ីន យូប៊ីន នៅតែខិតខំបំពេញតួនាទីរបស់ខ្លួនជានិច្ចក្នុងនាមជាសិល្បការិនីមួយរូប៕

---