តារាចម្រៀង វេហាស៍ បានបង្ហាញថាលោកនិងតារាចម្រៀង មាស សុខសោភា ជាអ្នកស្និទ្ធស្នាលនឹងគ្នាហើយលោកក៏ជាហ្វេនផ្កាប់មុខម្នាក់ក៏ពិបាកនឹងទទួលយកដូចគ្នា ប៉ុន្តែការជ្រើសរើសរបស់តារាចម្រៀង មាស សុខសោភា គ្រាន់តែចង់បានសុភមង្គលផ្ទាល់ខ្លួនប៉ុណ្ណោះទោះបីដឹងថានឹងរងផលប៉ះពាល់។.png)
ប្រិយមិត្តជ្រាបមកហើយថាតារាចម្រៀង មាស សុខសោភា ផ្ទុះកក្រើកម្តងទៀតទាក់ទងនឹងជីវិតឯកជនជាមួយតាសក់សភ្នំត្បែងបន្ទាប់ពីបង្ហោះសារមួយហើយតារាចម្រៀងរូបនេះបានតបតជាមួយនឹងអ្នកខម្មិនការពារប្តីថ្មីរបស់ខ្លួននិងបានបញ្ជាក់ថាទោះបីតាសក់សភ្នំត្បែងជាមនុស្សបែបណាក៏ដោយតែពេលនេះលោកជាស្វាមីរបស់នាង ជាមនុស្សល្អដែលមើលថែការពារនាង។ ការបញ្ជាក់បែបនេះបានធ្វើឱ្យមហាជនកាន់តែច្បាស់បន្ទាប់ពីកន្លងមកនេះតាសក់ភ្នំត្បែងបាននិយាយថា មាស សុខសោភា ជាភរិយាពេញៗមាត់។
រងនូវមតិប្រតិកម្មពីមហាជនតារាចម្រៀង វេហាស៍ ដែលកំពុងរស់នៅសហរដ្ឋអាម៉េរិកបានលើកឡើងពីការសម្រេចចិត្តរបស់តារាចម្រៀង មាស សុខសោភា ដែលជ្រើសផ្លូវមួយនេះ។ លោកបានសរសេរថា «ដឹងថាបងប្អូនពេញចិត្តមិនពេញចិត្តគឺមានសិទ្ធិបញ្ចេញមតិជាសាធារណៈ តែក្តីសុខផ្ទាល់ខ្លួនរបស់គាត់ទុកឱ្យគាត់ជ្រើសរើសទៅ។ និយាយឱ្យត្រង់សូម្បីតែខ្ញុំជាអ្នកស្និទ្ធិស្នាលនិងជាហ្វេនផ្កាប់មុខរាប់ឆ្នាំរបស់គាត់ ក៏មិនសូវពេញចិត្តនឹងដៃគូរថ្មីរបស់គាត់ប៉ុន្មានដែរ។ វាហាក់ដូចជាភ្លាមៗពេក ផ្លូវចិត្តប្រាប់ថាទទួលយកមិនទាន់បាន តែគិតយូរៗទៅក៏សួរខ្លួនឯងហេតុអីត្រូវខឹងស្អប់រឿងឯកជនគេ? គាត់អាយុក៏ច្រើនហើយ បំរើអារម្មណ៍ក្នុងសិល្បៈយើងក៏យូរជាង២០ឆ្នាំដែរ តែក្តីសុខគាត់ត្រូវមានគំនាបពីភ្នែកមហាជនរហូតរឺក៏បែបណា»?
លោក វេហាស៍ បន្តទៀតថា «មុនគាត់ហ៊ានប្រកាសរឿងនេះ ច្បាស់ណាស់គាត់នឹងដឹងមុនថាប៉ះពាល់ដល់កេរ្ត៍ឈ្មោះកំពូលតារារបស់គាត់ តែមើលទៅគាត់គឺលែងចង់បានអ្វីទាំងអស់នោះហើយ ប្រហែលជាគាត់គ្រាន់តែចង់បានសុភមង្គលផ្ទាល់ខ្លួនមួយតែប៉ុណ្ណឹង។ បណ្តោយគាត់ទៅ នេះជាជម្រើសគាត់ ហើយខ្ញុំនៅតែស្តាប់ចម្រៀងចាស់ៗគាត់ដដែល ព្រោះដិតដាមនឹងសម្លេងគាត់ខ្លាំង មិនអាចបំភ្លេចបាន»៕
