តារាចម្រៀងនិងសម្តែង Selena Gomez ជឿជាក់ថា ស្ត្រីតែងតែត្រូវបានពិនិត្យពិច័យច្រើនជាងបុរសចំពោះរូបរាង និងជីវិតផ្ទាល់ខ្លួនរបស់ពួកគេនៅលើប្រព័ន្ធផ្សព្វផ្សាយសង្គម ដែលធ្វើឱ្យពួកគេងាយនឹងទទួលរងសម្ពាធ។ កាលពីមុនតារាចម្រៀងរូបនេះធ្លាប់រងនូវការវាយប្រហារនៅលើប្រព័ន្ធអ៊ីនធឺណិតចំពោះរូបរាងរបស់ខ្លួនផងដែរ។.png)
កាលពីថ្ងៃទី២៤ កន្លងមកនេះ Selena និងគូដណ្តឹងរបស់នាងជាផលិតករតន្រ្តី Benny បានពិភាក្សាអំពីទស្សនៈរបស់ពួកគេលើជីវិត ជីវិតស្នេហា និងដំណើរការថតអាល់ប៊ុមថ្មីរបស់ពួកគេតាមរយៈកម្មវិធីផតខាស់មួយ។ អ្នកទាំងពីរក៏បានលើកឡើងពីផលប៉ះពាល់នៃការបញ្ចេញមតិអវិជ្ជមាននៅលើអ៊ីនធឺណិតផងដែរ។ ខណៈពេលដែល Benny អះអាងថាមិនដែលអានការបញ្ចេញមតិអំពីខ្លួនលោកទេ ខុសពីមិត្តស្រីរបស់ខ្លួនគឺ Selena មានការយកចិត្តទុកដាក់ចំពោះការបញ្ចេញមតិនោះ។
Selena Gomez បាននិយាយថា «ខ្ញុំចង់សង្កត់ធ្ងន់ថាមនុស្សស្រីរងទុក្ខកាន់តែច្រើន។ តាមទស្សនៈរបស់ខ្ញុំ បញ្ហានេះពិតជាធ្ងន់ធ្ងរ ប៉ុន្តែមិនមែនជារឿងថ្មីទេ។ ជាក់ស្តែង ស្ត្រីប្រឈមមុខនឹងសម្ពាធផ្លូវចិត្តច្រើនពីរូបរាង របៀបស្លៀកពាក់សម្រាប់អ្វីៗគ្រប់យ៉ាង»។ កន្លងមក Selena បាននិយាយថា នាងបានទទួលការអត្ថាធិប្បាយអវិជ្ជមានអំពីបុគ្គលិកលក្ខណៈរបស់នាង ដោយនិយាយថា ស្បែករបស់នាងមិនសគ្រប់គ្រាន់ ឬថានាងមើលទៅមិនម៉ិចស៊ីកូ ដូចដើមកំណើតរបស់នាងជាដើម។
តារាចម្រៀងរូបនេះបានបន្តថា៖ «មានរឿងជាច្រើនដែលលេចមុខខ្ញុំមិនអាចមើលរំលង ហើយអានដោយចៃដន្យ ពាក្យទាំងនោះមិនមានប្រយោជន៍សម្រាប់ជីវិតទេ ប៉ុន្តែពិបាកក្នុងការជៀសវាងគ្មានអ្នកណាខ្វល់ពីបញ្ហាទាំងនេះជាមួយបុរសទេ ប៉ុន្តែយើងត្រូវប្រឈមមុខច្រើនពេក»។
បន្ថែមពីលើនេះ នាងបានលើកឡើងពីការខ្មាសអៀនរាងកាយចំពោះការឡើងទម្ងន់អំឡុងពេលព្យាបាលជំងឺកាលពីឆ្នាំមុន។ នៅពេលនោះ រូបភាពរបស់នាងពេលចូលរួមក្នុងព្រឹត្តិការណ៍នានាត្រូវបានគេរិះគន់តាមអ៊ីនធឺណិត។ Selena បាននិយាយនៅក្នុងសេចក្តីថ្លែងការណ៍មួយថា «មនុស្សតែងតែមានអ្វីដែលត្រូវនិយាយអំពីរូបរាងរបស់ខ្ញុំ ហើយដែលធ្វើឱ្យខ្ញុំសោកសៅ។ វាមិនមែនជារឿងសោកសៅនោះទេ ព្រោះខ្ញុំមិនបានមើលឃើញខ្លួនឯងជាជនរងគ្រោះនៃរឿងទាំងនោះ។ ខ្ញុំគ្រាន់តែគិតថាពួកគេធ្វើឱ្យខ្ញុំមានអារម្មណ៍សោកសៅបន្តិច»។
ទោះជាយ៉ាងណា Selena បញ្ជាក់ថានាងបានរកឃើញសន្តិភាពហើយ លែងខ្វល់នឹងភ្នែកអ្នកដទៃទៀតហើយ។ នាងបាននិយាយថា នាងនៅតែអានមតិមួយចំនួនពីមួយពេលទៅមួយ ប៉ុន្តែភាគច្រើនមិនអើពើ ហើយទូរសព្ទរបស់នាងក៏លែងមានកម្មវិធីទៀតហើយ។ Selena បានបន្ថែមថា «ខ្ញុំមិនស្អប់ប្រព័ន្ធផ្សព្វផ្សាយសង្គមទេ ប៉ុន្តែខ្ញុំយល់ពីថាមពល និងភាពស្មុគស្មាញរបស់វា»៕
