រដ្ឋាភិបាល បើកការសិក្សាលើគម្រោងផ្លូវរថភ្លើងធុនស្រាល ប្រវែង២០គីឡូម៉ែត្រ តភ្ជាប់ពីរាជធានីភ្នំពេញ ទៅព្រលានយន្តហោះអន្តរជាតិតេជោក្រុងតាខ្មៅ។.png)
ដំណើរការសាងសង់ផ្លូវរថភ្លើងនេះ អាចនឹងចាប់ផ្តើម ក្រោយពេលដែលព្រលានយន្តហោះតេជោតាខ្មៅបានបញ្ចប់ និងដាក់ឱ្យដំណើរការពេញលេញ។
បើតាមលោក ឆារស៍ វ៉ាន់ អភិបាលក្រុមហ៊ុន Cambodia Airport Investment (CAIC) និងជាអភិបាលក្រុមហ៊ុនកាណាឌីយ៉ាគ្រុបបានឱ្យដឹងថា៖ “យើងបានត្រៀមបម្រុងទីតាំងដីសម្រាប់អភិវឌ្ឍជាផ្លូវរថភ្លើងនៅថ្ងៃអនាគត នៅតាមបណ្តោយផ្លូវ ៦០ ម៉ែត្រ ដែលក្រុមហ៊ុនកំពុងសាងសង់ចេញពីព្រលាន”។
ផ្លូវរថភ្លើងធុនស្រាលនេះ មានសារៈសំខាន់ខ្លាំងសម្រាប់សម្រួលការធ្វើដំណើរក្នុងតំបន់ភាគខាងត្បូងនៃរាជធានីភ្នំពេញ។
បន្ថែមពីនេះ រដ្ឋាភិបាល ក៏កំពុងពិចារណាសាងសង់ផ្លូវរថភ្លើងក្រោមដីក្នុងរាជធានីភ្នំពេញមួយទៀត ដែលនឹងជួយដល់សេដ្ឋកិច្ចកម្ពុជា និងផ្នែកបរិស្ថានថែមទៀតផងដែរ។
គួរបញ្ជាក់ថា អាកាសយានដ្ឋានអន្តរជាតិភ្នំពេញថ្មី ត្រូវបានសាងសង់នៅលើទំហំផ្ទៃដីជាង ២ ៦០០ហិកតា ក្នុងទឹកប្រាក់ជាង ១ ៥០០លានដុល្លារ ដោយនឹងដាក់សម្ពោធជាផ្លូវការនៅខែកក្កដា ខាងមុខនេះ៕
