តើនឹងមានអ្វីខ្លះកើតឡើង ប្រសិនបើយើងចូលគេងមុនម៉ោង ១០ យប់?

ការគេងពិតជាសំខាន់ខ្លាំងណាស់សម្រាប់មនុស្សយើង ប៉ុន្តែប្រសិនបើអ្នកគេងតិចពេក ឬច្រើនពេកក៏មិនល្អសម្រាប់សុខភាពអ្នកដែរ ដូច្នេះត្រូវរើសម៉ោងគេងឱ្យបានត្រឹមត្រូវបំផុត។ ជាទូទៅម៉ោងគេងដែលល្អចំពោះសុខភាពរាងកាយរបស់យើងគឺនៅចន្លោះម៉ោង ៩-១០ ប៉ុន្តែប្រសិនបើអ្នកគេងលឿនពេកមុនម៉ោង ១០ យប់ដូចជាម៉ោង ៧ ឬ ៨ យប់គឺមិនល្អចំពោះសុខភាពឡើយ។ ការគេងលឿនបែបនេះអាចធ្វើឱ្យរាងកាយចុះខ្សោយ ខ្ជិលជាងមុន និងអត្រាកើតជំងឺបេះដូងខ្ពស់។ ហេតុនេះហើយលោកអ្នកគប្បីចូលគេងម៉ោង ៩ ឬ ១០ យប់ទើបជាការល្អ។ ការគេងម៉ោងស្មើនេះជាប្រចាំនឹងទទួលបានអត្ថប្រយោជន៍ជាច្រើនដូចជា៖

១.មានភាពរហ័សរហួន៖ នៅពេលយើងស្ថិតក្នុងវដ្តនៃការគេងយប់ជ្រៅ រាងកាយរបស់យើងកំពុងជាសះស្បើយដោយផលិតការលូតលាស់ និងជួសជុលអរម៉ូន។ សកម្មភាពដ៏សំខាន់នេះនឹងធ្វើឱ្យប្រាកដថាយើងស្ថិតក្នុងទម្រង់ដ៏ល្អបំផុតសម្រាប់ថ្ងៃបន្ទាប់ ជាពិសេសនៅពេលនិយាយអំពីមនុស្សដែលមានអត្តពលកម្ម។

២.កម្រិតស្ត្រេសធ្លាក់ចុះ៖ ការគេងមិនបានគ្រប់គ្រាន់ អាចធ្វើឱ្យអ្នកស្ត្រេសដោយសារតែកម្រិតអរម៉ូនខ្ពស់នៅក្នុងខ្លួន។ ប៉ុន្តែនៅពេលដែលអ្នកចាប់ផ្តើមគេងម៉ោង ៩-១០ ជាប្រចាំ កម្រិតអរម៉ូននឹងថយចុះ ធ្វើឱ្យអ្នកមានថាមពលពេញមួយថ្ងៃ នៅពេលកម្រិតស្ត្រេសរបស់អ្នកធ្លាក់ចុះ។

៣.ហានិភ័យនៃជំងឺទាបជាងមុន៖ ការសិក្សាជាច្រើនបានបង្ហាញថា មនុស្សដែលចូលគេងម៉ោង ៩-១០ ជារៀងរាល់ថ្ងៃ តែងតែមានសុខភាពល្អ បើប្រៀបធៀបទៅនឹងអ្នកដែលគេងម៉ោង ៧-៨ ឬម៉ោង ២-៣ យប់។ អ្នកដែលគេងលឿនពេក ឬយូរពេក គឺមានឱកាសខ្ពស់បំផុតក្នុងការរស់នៅជាមួយជំងឺដូចជា ជំងឺទឹកនោមផ្អែមប្រភេទទី ២ ជំងឺបេះដូង និងជំងឺលើសឈាមជាដើម៕