នៅថ្ងៃទី២ ខែសីហា Somi បានចេញបទចម្រៀងជាភាសាអង់គ្លេសរបស់នាងមានចំណងជើងថា «Ice Cream» ជាផ្លូវការ។ នេះជាការត្រលប់មកវិញរបស់នាងបន្ទាប់ពីរយៈពេលមួយឆ្នាំចាប់តាំងពី «Game Plan»នៅក្រោមផលិតកម្ម The Black Label ។ ចាប់តាំងពីពេលដែលឈុតខ្លីៗដំបូងសម្រាប់MV នេះត្រូវបានគេចេញផ្សាយ Somi បានប្រឈមមុខនឹងការជជែកដេញដោល និងមានមតិចម្រុះ។
Ice Cream គឺជាបទរាំដ៏រស់រវើករបស់ Somi រំលេចនូវបទភ្លេងដ៏គួរឱ្យចាប់អារម្មណ៍នឹងក្លាយជាបទភ្លេងរដូវក្តៅរបស់ Somi ។ បទចម្រៀងនេះសមស្របនឹងស្ទីលតន្ត្រីរបស់នាង ដែលធ្វើឱ្យ Somi បង្ហាញជំនាញការសម្តែងដ៏ទាក់ទាញរបស់នាង។ MV «Ice Cream» មានរថយន្តដឹកការ៉េមដែលមានពណ៌ភ្លឺចែងចាំងចម្រុះពណ៌ដ៏ស្រស់ស្អាត។
គួរឱ្យកត់សម្គាល់បទថ្មីរបស់ Somi នេះតារាសម្តែង Park Seo joon ក៏បានបង្ហាញមុខក្នុង MV ផងដែរ។ ក្នុងរយៈពេលត្រឹមតែ ១០ វិនាទីប៉ុន្តែបានធ្វើឱ្យមានការចាប់អារម្មណ៍ជាមួយនឹងភាពសង្ហារបស់តារាសម្តែងរូបនេះដូចជាព្រះអង្គម្ចាស់។ ការលេចមុខរបស់លោកក៏បានធ្វើឱ្យអ្នកទស្សនាមានការភ្ញាក់ផ្អើលនិងរីករាយដូចគ្នា។
ទោះជាយ៉ាងណាក៏ដោយ ចាប់តាំងពី Teaser ត្រូវបានចេញផ្សាយ MV របស់ Somi ត្រូវបានចោទប្រកាន់ពីបទចម្លង BLACKPINK ។ ពីគំនិតរដូវក្តៅរហូតដល់ក្តៅហើយសើម MV របស់ Somi ហាក់ដូចជា «ស្ទួន» នៃ «Ice Cream» ដែលជាការសហការរដូវក្តៅឆ្នាំ២០២០ រវាង BLACKPINK និង Selena Gomez ។ លើសពីនេះ ចំណងជើងបទចម្រៀងគឺដូចគ្នាបេះបិទ។
ការពិតដែលថាសិល្បករទាំងពីរមានទំនាក់ទំនងជាមួយ YG និងមានគំនិតផលិតផលត្រួតស៊ីគ្នាបានបង្កឱ្យមានប្រតិកម្មតបទៅនឹងអ្នកគាំទ្រ។ នៅពេលដែល MV ចុងក្រោយរបស់ Somi ត្រូវបានចេញផ្សាយ ការចោទប្រកាន់ពីការលួចចម្លងបានកាន់តែខ្លាំងឡើង ដោយសារតែគំនិតគោលមានភាពស្រដៀងគ្នាជាច្រើន។ ទោះជាយ៉ាងណាក៏ដោយ ភាពខុសគ្នាសំខាន់គឺស្ថិតនៅក្នុងការបង្ហាញខ្លួនជាភ្ញៀវពិសេសក្នុង MV គឺមាន Park Seo joon និង Selena Gomez ៕
