កាលពីថ្ងៃទី១៦ ខែកក្កដា ឆ្នាំ២០២៤ ធនាគារជាតិនៃកម្ពុជា បានចេញសេចក្តីប្រកាសជ្រើសរើសមន្ត្រីជាន់ខ្ពស់ចំនួន១០រូប ប្រឡងជាមន្ត្រីក្នុងក្របខណ្ឌ«ក»។
សម្រាប់ការប្រឡងចូលនេះ ធនាគារជាតិនៃកម្ពុជា ទាមទារឱ្យបេក្ខជន ទាំងពីរភេទត្រូវមានលក្ខណៈសម្បត្តិ និងបំពេញលក្ខខណ្ឌនៃការជ្រើសរើសដូចខាងក្រោម៖
១. មានសញ្ជាតិខ្មែរ
២. មានសញ្ញាបត្រអនុបណ្ឌិត និងបណ្ឌិត ផ្នែកសេដ្ឋកិច្ច ហិរញ្ញវត្ថុ ឬធនាគារ
៣. មានចំណេះដឹងភាសាអង់គ្លេស (IELTS ៦.០)
៤. មានបទពិសោធក្នុងការស្រាវជ្រាវ និងវិភាគស្ថានភាពសេដ្ឋកិច្ច និងហិរញ្ញវត្ថុ
៥. មានសុខភាពល្អ
ប្រសិនបើមានករណីមានចម្ងល់ណាមួយ បេក្ខជនអាចសាកសួរព័ត៌មានលម្អិតបន្ថែមនៅនាយកដ្ឋានបុគ្គលិក ធនាគារជាតិនៃកម្ពុជា ដែលមានទីតាំងនៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ៕
