តារាកំប្លែងនាយ ពាក់មី បានបង្ហាញការគាំទ្រចំពោះការលើកឡើងរបស់ Yuro ដែលបានចេញវីដេអូនិយាយពីពាក្យថា «ដុះស្លាបហើយឡូវ?»ដែលឪពុកម្តាយមួយចំនួនបាននិយាយពាក្យនេះទៅកាន់កូនៗរបស់ខ្លួន។ ក្នុងវីដេអូរបស់ Yuro បានបញ្ចេញទស្សនៈរបស់ខ្លួនថាពេលឪពុកម្តាយប្រើពាក្យនេះទៅកាន់កូនៗមិនដែលប្រើពេលកូនដើរទៅរកផ្លូវល្អនោះទេ ហើយឪពុកម្តាយព្រួយបារម្ភពីយើងខ្លាចដើរលើផ្លូវខុសទើបគាត់ប្រើពាក្យនេះ។.png)
កាលពីពេលថ្មីៗនេះ Yuro បានចេញវីដេអូមួយលើកពីពាក្យ «ដុះស្លាបហើយឡូវ?»ដោយបានអះអាងថារូបគេមិនបានចង់ឆ្លើយតបទៅលើវីដេអូមួយរបស់ SAM ជាអ្នកចម្រៀងនិងអ្នកនិពន្ធមួយរូបចូលរួមក្នុងកម្មវិធីមួយនោះទេ ប៉ុន្តែរូបគេចង់លើកឡើងពីពាក្យថា«ដុះស្លាបហើយឡូវ?» ជាពាក្យឪពុកម្តាយឧស្សាហ៍និយាយទៅកាន់កូន។ Yuro ថាយ៉ាងណាត្រូវបែងចែកឱ្យច្បាស់ម្តាយនិយាយពាក្យនេះទៅកាន់កូននៅពេលណាកូនចង់ធ្វើរឿងអ្វីមួយដែលគាត់គិតថាមិនល្អ ខុស មិនដែលឪពុកម្តាយណានិយាយពាក្យនេះទៅកាន់កូនពេលកូននិយាយចង់ធ្វើអ្វីដែលល្អដូចជា កូនចង់ប្រលងចូលក្របខណ្ឌ ជាគ្រូពេទ្យ ជាអ្នកបើកយន្តហោះហើយឪពុកម្តាយនិយាយពាក្យថា «ដុះស្លាបហើយឡូវ?»នោះទេ។
Yuro លើកឡើងទៀតថា ប្រសិនជាឪពុកម្តាយនិយាយពាក្យនេះហើយយើងអន់ចិត្ត ខឹង ដ្រាម៉ា សេដ គិតថាម្តាយឪពុកខ្លួនឯងអត់ល្អដូចគេយកចំណុចតិចតួចដែលគាត់ប្រដៅយើងអង្គុយគិតដ្រាម៉ាហើយគិតថាគាត់ជាមនុស្សអាក្រក់ហេតុអ្វីមិនគិតរឿងល្អដែលគាត់ធ្វើ១០០០រឿងដែលយកមកអង្គុយគិតឬអត់?។ Yuro បានបន្ថែមទៀតថា ចិត្តជាម្តាយឪពុកគិតខ្លាចថាកូនដើរលើផ្លូវខុសបានគាត់និយាយពាក្យហ្នឹង បើកូនខ្លះស្រួលប្រដៅមិនមែនគាត់ប្រើពាក្យហ្នឹងនោះទេ ប៉ុន្តែកូនខ្លះរឹងទទឹងចង់ធ្វើអីបានដូចចិត្តបានជាគាត់ប្រើពាក្យនេះពេលក្លាយជាឪពុកម្តាយគេបានយល់អារម្មណ៍មួយហ្នឹងហើយគ្មានអ្នកណាស្រលាញ់យើងស្មើនឹងឪពុកម្តាយ គ្រួសារយើងឡើយ។ ការលើកឡើងរបស់ Yuro ដ្បិតតែចុងក្រោយរូបគេនៅបញ្ចេញស្ទាយ៍យ៉ាងណាក្តីប៉ុន្តែមនុស្សភាគច្រើនបានគាំទ្រយ៉ាងខ្លាំងចំពោះការលើកឡើងនេះក្នុងនោះក៏មានតារាកំប្លែងល្បីឈ្មោះ នាយពាក់មី ដូចគ្នា។
តារាកំប្លែង ពាក់មី បានស៊ែរវីដេអូរបស់ Yuro ភ្ជាប់មកជាមួយសម្តីថា «Yuro វីដេអូកន្លងមក ធ្វើឡេឡើ ភ្លើៗ តាមពិតធ្វើភ្លើទេ ឥឡូវពេលធ្វើវីដេអូត្រឹមត្រូវនិយាយឡើងឡូយ បងគាំទ្រវីដេអូនេះ»៕
