កីឡាបរទេស៖ នៅវេលាម៉ោង១រំលងអធ្រាត្រ ឈានចូលថ្ងៃទី១១ ខែកក្កដា ឆ្នាំ២០១៨នេះ ក្រុមជម្រើសជាតិបារាំងនឹងប្រកួតយ៉ាងប្ដូរផ្ដាច់ជាមួយក្រុមជម្រើសជាតិប៊ែលហ្ស៊ិក នៅវគ្គពាក់កណ្ដាលផ្ដាច់ព្រ័ត្រ នៃព្រឹត្តិការណ៍បាល់ទាត់ពិភពលោក ២០១៨ នៅក្នុងពហុកីឡដ្ឋាន Saint-Petersburg ប្រទេសរុស្ស៊ី ហើយគេសង្ឃឹមថា នៅក្នុងការប្រកួតដ៏ស្វិតស្វាញរបស់ក្រុមទាំង២នេះ នឹងមានវត្តមានរបស់លោក ម៉ាក្រុង ប្រធានាធិបតីបារាំង អញ្ជើញទៅចូលរួមលើកទឹកចិត្តដល់កីឡាកររបស់ខ្លួនផងដែរ។
លោក ម៉ាក្រុង ប្រធានាធិបតីបារាំង បានថ្លែង នៅក្នុងវេទិកាសេដ្ឋកិច្ចក្នុងក្រុង St Petersburg ប្រទេសរុស្ស៊ី កាលពីខែឧសភា កន្លងទៅនេះថា លោកនឹងវិលត្រឡប់មកកាន់ប្រទេសរុស្ស៊ី ម្តងទៀត បើសិនក្រុមកីឡាបាល់ទាត់ជម្រើសជាតិបារាំងរបស់លោកឡើងដល់វគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍បាល់ទាត់ពិភពលោក២០១៨។
តាមអ្វីដែលលោកប្រធានាធិបតីបារាំង ម៉ាក្រុង បានសន្យានោះ គឺលោកនឹងអញ្ជើញចូលរួមលើកទឹកចិត្ដដល់ក្រុមបាល់ទាត់ជម្រើសជាតិបារាំង នៅក្នុងវគ្គពាក់កណ្តាលផ្តាច់ព្រ័ត្រ នាថ្ងៃទី១១ ខែកក្កដា ឆ្នាំ២០១៨ខាងមុខ។ ក្រុមបាលទាត់ជម្រើសបារាំងបានឈ្នះក្រុមអ៊ុយរូហ្គា យ ក្នុងលទ្ធផល ២-០ ហើយបានឡើងមកវគ្គពាក់កណ្ដាលផ្ដាច់ព្រ័ត្រ ដោយជួបជាមួយនឹងក្រុមជម្រើជាតិប៊ែលហ្ស៊ិក។
ប្រវត្តិក្រុមជម្រើសជាតិទាំង២នេះ
បារាំង
ចំណាត់ថ្នាក់ FIFA ៖ លេខ7
វត្តមានប្រកួតបាល់ទាត់ពិភពលោក៖ ចំនួន 14ដង គឺឆ្នាំ1930/ 1934/ 1938/ 1954/ 1958/ 1966/ 1978/ 1982/ 1986/ 1998/ 2002/ 2006/ 2010/ 2014។
លទ្ធផលល្អ ៖ ជើងឯកម្តង គឺឆ្នាំ 1998
គ្រូបង្វឹក ៖ Didier Deschamps សញ្ជាតិបារាំង។ លោកចូលមកដឹកនាំក្រុមជម្រើសជាតិបារាំង កាលពីឆ្នាំ 2012។ ក្នុងសម័យកាលដឹកនាំរបស់លោក ចំនួន79ប្រកួត គឺឈ្នះ50 ស្មើ14 និងចាញ់ 15 ស្មើ62/34ភាគរយ។
កីឡាករឆ្នើម ៖ កីឡាករ Antoine Griezmann មកពីក្លឹប At Madrid ធ្លាប់បង្ហាញវត្តមានបាន56ប្រកួត ស៊ុតបាល់បាន22គ្រាប់។ កីឡាករខ្សែបម្រើ Paul Pogba មកពីក្លឹប Man Utd ធ្លាប់បង្ហាញវត្តមានបាន56ប្រកួត ស៊ុតបាល់បាន10គ្រាប់ និងកីឡាករ Raphael Varane មកពីក្លឹប Real Madrid ធ្លាប់បង្ហាញវត្តមានបាន43ប្រកួត ស៊ុតបាល់បាន2គ្រាប់។
France វគ្គ16ក្រុម បានទម្លាក់ក្រុម Argentina ដោយលទ្ធផល 4-3។ លទ្ធផល5ប្រកួតចុងក្រោយ គឺ 3-2-0។ វគ្គ៨ក្រុមចុងក្រោយ ទម្លាក់ អ៊ុយរូហ្គាយ ក្នុងលទ្ធផល ២-០។
4ប្រកួតចុងក្រោយ គឺ ៖
06-18 France 1-0 Peru
06-18 Denmark 0-0 France
06-18 France 4-3 Argentina
07-18 Uruguay 0-2 France
ប៊ែលហ្ស៊ិក
Belguim ចំណាត់ថ្នាក់ FIFA ៖ លេខ3
វត្តមានប្រកួតបាល់ទាត់ពិភពលោក ៖ ចំនួន12ដង គឺឆ្នាំ1930/ 1934/ 1938/ 1954/ 1970/ 1982/ 1986/ 1990/ 1994/ 1998/ 2002/ 2014។
លទ្ធផលល្អ ៖ ចំណាត់ថ្នាក់លេខ4ម្តង គឺ ឆ្នាំ1986
គ្រូបង្វឹក ៖ Roberto Martinez សញ្ជាតិអេស្ប៉ាញ។ លោកចូលមកដឹកនាំក្រុមជម្រើសជាតិប៊ែលហ្ស៊ិក កាលពីឆ្នាំ2016។ ក្នុងរជ្ជកាលដឹកនាំរបស់លោក22ប្រកួត គឺឈ្នះ16 ស្មើ5 និងចាញ់1 ស្មើ70ភាគរយ។
កីឡាករឆ្នើម ៖ កីឡាករខ្សែប្រយុទ្ធ Eden Hazard មកពីក្លឹប Chelsea ធ្លាប់បង្ហាញវត្តមានបាន89ប្រកួត ស៊ុតបាល់បាន25គ្រាប់ កីឡាករខ្សែបម្រើ De Bruyne មកពីក្លឹប Man City បង្ហាញវត្តមានបាន66ប្រកួត ស៊ុតបាល់បាន15គ្រាប់ និងកីឡាករខ្សែការពារ Kompany មកពីក្លឹប Man City បង្ហាញវត្តមានបាន78ប្រកួត ស៊ុតបាល់បាន4គ្រាប់។
Belgium វគ្គ16ក្រុម បានទម្លាក់ក្រុម Japan ដោយលទ្ធផល 3-2។ លទ្ធផល5ប្រកួតចុងក្រោយ គឺ 5-0-0 និងវគ្គ៨ក្រុមទម្លាក់ប្រេស៊ីល ១-២។
4ប្រកួតចុងក្រោយ គឺ ៖
06-18 Belgium 5-2 Tunisia
06-18 England 0-1 Belgium
07-18 Belgium 3-2 Japan
07-18 Brazil 1-2 Belgium
ប្រវត្តិជួបគ្នា
ទម្រង់លេង និងកីឡាករទាំង២ក្រុមចូលលេង នៅរាត្រីនេះ