អ្នកប្រហែលជាធ្លាប់ឮលើសពីម្តង នូវពាក្យថា «ហាត់ប្រាណ នឹងធ្វើឲ្យអ្នកមានអារម្មណ៍ល្អ» ។ ក្រៅពីអត្ថប្រយោជន៍ខាងផ្លូវកាយ និងផ្លូវចិត្ត នៃការហាត់ប្រាណ, ការទទួលបានភ្លាមៗ នៃសារធាតុគីមីអារម្មណ៍ល្អ គឺជា​រង្វាន់បន្ថែមមួយទៀត។ ប្រការនេះអាចជាចំណុចល្អជាពិសេសសម្រាប់ស្ត្រីភេទ ដែលកំពុងឆ្លងកាត់ការអស់រដូវ។ រាងកាយរបស់ពួកគាត់ កំពុងជួបនឹងការប្រែប្រួលមួយចំនួន ដែលអាចជាការមិនស្រួលខ្លួន និងការឈឺចាប់។

ការហាត់ប្រាណ អាចជួយអ្នកឆ្លងកាត់ដំណាក់កាលនៃជីវិតនេះ និងធ្វើឲ្យអ្នកមានអារម្មណ៍ប្រសើរជាងពេលណាៗទាំងអស់។ មិនថាអ្នកជាអ្នករត់ អ្នកធ្វើយោគៈ ឬអ្នករបាំសាល់សានោះទេ នៅទីនេះ គឺមានហេតុផលខ្លះៗប្រាប់ថា ហេតុអ្វីពេលអស់រដូវ ជាពេលវេលាប្រសើរបំផុតសម្រាប់អ្នក ត្រូវធ្វើចលនា ខុសពីអ្វីដែលអ្នកមិនធ្លាប់ធ្វើចលនាពីមុនមក។

១. ដើម្បីគ្រប់គ្រងទម្ងន់
អ្នកអាចដឹងហើយថា នៅពេលអ្នកអាយុជិត៣០ឆ្នាំ ការរំលាយអាហារក្នុងខ្លួនដែលឆាប់រហ័ស ក៏បានបន្ថយល្បឿន។ ការប្រែប្រួលអ័រម៉ូន ក្នុងពេលអស់រដូវ ពេលខ្លះអាចមានន័យថា អ្នកកាន់តែងាយក្នុងការឡើងទម្ងន់។ ការហាត់ប្រាណ មិនត្រឹម​តែជួយរារាំងការឡើងទម្ងន់ប៉ុណ្ណោះទេ វានឹងថែមទាំងជួយបង្កើនការបាត់បង់កម្លាំងសាច់ដុំ ដែលវាជារឿងទូទៅលើសម្ត្រីកំពុងជួបការអស់រដូវ។ មជ្ឈមណ្ឌលគ្រប់គ្រង និងបង្ការជម្ងឺអាមេរិក ណែនាំឲ្យមានសកម្មភាពហាត់ប្រាណខ្លាំងក្លា៧៥នាទី ក្នុងមួយសប្តាហ៍សម្រាប់ស្ត្រីមានសុខភាពល្អដើម្បីជួយរក្សាទម្ងន់ឲ្យនៅល្អ។ បើសិនជាអ្នកចង់ចុះទម្ងន់ អ្នកត្រូវហាត់ប្រាណយ៉ាងតិច២០នាទី ក្នុងមួយថ្ងៃ។

២. ដើម្បីសុខភាពឆ្អឹង
ថ្វីបើបុរសននិងស្ត្រី គួរខ្វាយខ្វល់អំពីការរក្សាឆ្អឹងឲ្យរឹងមាំដូចជាអាយុកាលរបស់ពួកគេក៏ដោយ​ក៏ស្ត្រីប្រឈមនឹងគហានិភ័យខ្ពស់ជាងសម្រាប់ជម្ងឺពុកឆ្អឹង។ ដំណឹងល្អនោះគឺថា ការហាត់ប្រាណ អាចជួយកសាង និងថែទាំដង់ស៊ីតេឆ្អឹង។ មូលនិធិជម្ងឺពុកឆ្អឹងជាតិ ណែនាំឲ្យមានការហាត់ប្រាណដើម្បីឆ្អឹងរឹងមាំ និងពង្រឹងសាច់ដុំសម្រាប់អ្នកដែលប្រឈមនឹងរោគសញ្ញានៃការពុកឆ្ងឹង។

៣.ដើម្បីសុខភាពបេះដូង
ការធ្លាក់ចុះនៃកម្រិតក្រុមអ័រម៉ូនលើកកម្ពស់រាងកាយស្ត្រី កើតមានជាទូទៅក្នុងពេលអស់រដូវ។ ប្រការនេះ អាចបណ្តាលឲ្យកើនឡើងនូវកូឡេស្តេរ៉ូល(ខ្លាញ់ក្នុងឈាម)អាក្រក់ និងកាត់បន្ថយកម្រិតកូឡេស្តេរ៉ូលល្អ។ វាក៏អាចធ្វើឲ្យស្រ្តីស្ថិតក្នុងហានិភ័យកើនឡើងសម្រាប់បញ្ហាសុខភាពបេះដូង។ ត្រូវចងចាំថា ជម្ងឺបេះដូង គឺជាមូលហេតុចម្បងបណ្តាលឲ្យស្លាប់ សម្រាប់ស្រ្តីនៅអាមេរិកជារៀងរាល់ឆ្នាំ។ នោះ មានន័យថា ការអស់រដូវ អាចជារយៈពេលសំខាន់បំផុតមួយ ដែលត្រូវរក្សាសុខភាពឲ្យបានល្អ។

៤.ដើម្បីបន្ថយការឈឺចាប់នៃការអស់រដូវ
ការហាត់ប្រាណពិតជានៅតែជារឿងសំខាន់ ព្រោះវាផ្តល់ឲ្យនូវការធូរស្បើយពីការឈឺក្តៅពីការអស់រដូវ។ ការសិក្សាមួយ បានបង្ហាញថា ស្ត្រី ដែលរស់នៅក្នុងជីវិតស្ងប់ស្ងាត់ មានរោគសញ្ញាឈឺព្រើអស់រដូវ ធ្ងន់ធ្ងរជាងស្ត្រីដែលសកម្ម។

៥.ដើម្បីការលើកកម្ពស់តម្លៃខ្លួនឯង
ស្រ្តីគ្រប់រូប មានពិសោធនៃការអស់រដូវផ្សេងៗពីគ្នា ហើយក៏មិនមែនស្រ្តីគ្រាប់រូប មានអារម្មណ៍ល្អបំផុត ក្នុងអំឡុងពេលនេះដែរ។ ប៉ុន្តែបើសិនជាអ្នកមានអារម្មណ៍មិនស្រួលខ្លួន អ្នកនឹងរីករាយដឹងថា ការហាត់ប្រាណ អាចជាជំនួយធ្វើឲ្យអ្នកមានអារម្មណ៍ល្អដោយខ្លួនឯង។ ការសិក្សាមួយ បានរកឃើញថា ជាយូរមកហើយ សកម្មភាពខាងរាងកាយ គឺផ្សារភ្ជាប់ជាមួយនឹងកម្រិតកាន់តែខ្ពស់ នៃគុណភាពជីវិតឲ្យតម្លៃខ្លួនឯង​ និងគុណភាពជីវិតទាក់ទងនឹងការអស់រដូវ។
តើចាប់ផ្តើមយ៉ាងណា?
ពេលនេះ អ្នកដឹងហើយពីវិធីហាត់ប្រាណវាអស្ចារ្យយ៉ាងណា ក្នុងអំឡុងពេលនៃការអស់រដូវ ហើយវាក៏ដល់ពេលត្រូវតែដាក់ផែនការ ត្រូវធ្វើហើយដែរ។ តើអ្នកនៅសង្ស័យថាតើ​ការហាត់ប្រាណជាក់លាក់អ្វី ដែលអ្នកអាចពិសោធទទួលបានអត្ថប្រយោជន័មែនទេ? ចូរចាប់ផ្តើម ជាមួយគំនិតល្អទាំងនេះ។
-ការហាត់ប្រាណបែបស្រូបអុកស៊ីសែន
ត្រូវធ្វើលំហាត់ប្រាណបែបនេះ ២០ទៅ៦០នាទី/១ថ្ងៃ និង៣ទៅ៥ថ្ងៃ/១សប្តាហ៍។ អ្នកអាចសាកល្បង​ ការរត់តិចៗ ការត់ពិត ឬការដើរយកល្បឿនុំ ការឡើងជណ្តើរុំ ការលេងតឺន្នីស, ការឡើងភ្នំ, ការហែលទឹក ឬការរាំ។
-ហ្វឹកហាត់កម្លាំង
ចូរធ្វើដូច្នោះ២០ទៅ៦០នាទី/១ថ្ងៃ ហើយ ២ឬ៣ថ្ងៃ/១សប្តាហ៍។ អ្នកអាចសាកល្បង​ ការលើកដុំដែក ការទាញកៅស៊ូយឺត ឧបករណ៍ធាក់-ទាញ ការអាវ៉ង់ ឬការពោប-ផ្អៀង។
-យោគៈ និងសមាធិ
ការហាត់ប្រាណបែបយោគៈ និងតិចនិកដកដង្ហើមជ្រៅ អាចជួយបំបាត់នូវការឈឺចាប់ និងធ្វើឲ្យចិត្តអ្នស្ងប់។ អ្នកអាចធ្វើដូច្នេះរាល់ថ្ងៃ ឬ១ដង២ដង/១សប្តាហ៍។ ចូរសាកល្បងជំហរ អង្គុយពែនភ្នែនរួចផ្តេកមកក្រោយឲ្យរាបស្មើនឹងកម្រាល ដោយជើងនៅក្រោមគូទ, អង្គុយសន្តូកជើងទៅមុខរួចបត់ក្បាលឲ្យដល់ចុងជើង, អង្គុយលើជើងទាំងពីរ រួចពោបទៅមុខ ឲ្យមុខទល់នឹងកម្រាល ហើយដៃទាំងពីរដាក់ស្របនឹងដងខ្លួនុំ ឬដឹកផ្ងា ដោយបត់ជង្គង់ កន្ធែកទៅខាង។ អ្នកត្រូវចាំថា រាល់ចលនាដែលអ្នកធ្វើ ត្រូវស្ងាត់ស្ងៀម ញញឹម និងដកដង្ហើមឲ្យវែងៗ។ ទោះជាយ៉ាងណា មុនពេលចាប់ផ្តើមរបបនៃការហាត់ប្រាណថ្មីណាមួយ ជាការប្រសើរត្រូវពិគ្រោះជាមួយគ្រូពេទ្យ។
-គន្លឹះសំខាន់
ការអស់រដូវ ពេលខ្លះអាចជាពេលវេលាប្រឈមមួយ ខណៈអ្នករៀនសម្របខ្លួនទៅនឹងការប្រែប្រួលជាច្រើននៃរាងកាយរបស់អ្នក។ ជាញឹកញាប់ វាអាចមានអារម្មណ៍ដូចជារាងកាយរបស់អ្នក កំពុងធ្វើការប្រឆាំងនឹងអ្នក ប៉ុន្តែអ្នកអាចត្រឡប់មកគ្រប់គ្រងវិញបាន។ ការហាត់ប្រាណទៀងទាត់ អាចជារឿងធម្មតាដូចជាការដើរកាត់ឧទ្យាន ឬក៏ដូចជាមានមហិច្ឆតាដែលអ្នកហ្វឹកហាត់ សម្រាប់ការរត់ម៉ារ៉ាតុនមួយ។
ទោះបីជាអ្នកធ្វើអ្វីសម្រាប់ខ្លួនឯងក៏ដោយ ចូរចងចាំថា ចលនាអាចចូលរួមចំណែកចំពោះសុខភាពផ្លូវកាយ និងផ្លូវចិត្តរបស់អ្នក។ គ្រប់យ៉ាង អាចចាប់ផ្តើមដោយការប្រឹងប្រែងបន្តិចហើយ ប៉ុន្តែវាមិនទាន់យឺតពេលទេ ក្នុងការយកចិត្តទុកដាក់ចំពោះសុខភាពខ្លួនឯង៕
សហការី KBN