ភ្នំពេញ៖ នារីម្នាក់បានទុកចិត្តអនាគតប្អូនថ្លៃឱ្យឌុបទៅលេងម្តាយមីងនៅឯខេត្ត លុះមានឱកាសល្អ បានឌុបបងថ្លៃឡើង ផ្ទះសំណាក់បង្ខំរំលោភសម្រេចបាន ២ដងនួនល្អងប្រាប់គូដណ្ដឹង ប្តឹងសមត្ថកិច្ចតាមចាប់បានសម្រេច កាលវេលាម៉ោង៥ល្ងេច ថ្ងៃទី២១ ខែមិថុនា ឆ្នាំ២០១៨ នៅកន្លែងវង់ល្បែង ក្នុងបុរី ញ្ញូថោន ដែលស្ថិតនៅភូមិអង្គសង្កាត់ចោមចៅ៣ ខណ្ឌពោធិ៍សែនជ័យ ។
ជនសង្ស័យមានឈ្មោះ ជាតិ ចាន់លីម ភេទប្រុស អាយុ ២៦ឆ្នាំ ស្នាក់នៅបន្ទប់ជួលម្តាយមីង ភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ មានស្រុកកំណើតនៅស្រុកកណ្តាលស្ទឹង ខេត្តកណ្ដាល។ នារីរងគ្រោះមិនបានប្រាប់ឈ្មោះ អាយុជាង ២០ឆ្នាំ មុខរបររៀនកែសម្ផស្ស ស្នាក់នៅសង្កាត់ឫស្សីកែវ ខណ្ឌឫស្សីកែវ មានស្រុកកំណើតនៅខេត្ត តាកែវ។
តាមប្រភពព័ត៌មានពីគូដណ្តឹងនារីរងគ្រោះបាននិយាយប្រាប់ថា នៅមុនពេលកើតហេតុ នៅវេលាម៉ោង១២និង៣០នាទីថ្ងៃទី១៣ ខែមិថុនា ឆ្នាំ២០១៨ បានទូរស័ព្ទហៅជនសង្ស័យដែលត្រូវជាប្អូនគូដណ្តឹងរបស់នាង (តែឪពុកជាមួយ ម្ដាយផ្សេងគ្នា) ឱ្យប្អូនថ្លៃឌុបទៅលេងម្តាយមីង ត្រូវជាម្ដាយរបស់ជនសង្ស័យ នៅខេត្តកំពង់ស្ពឺ ។
លុះបន្ទាប់មកប្អូនថ្លៃរបស់នាង ឌុបបានពាក់កណ្តាលផ្លូវ ដោយមានភ្លៀងធ្លាក់យ៉ាងខ្លាំង ទាំង២បានឈប់ទិញអាវភ្លៀង និងទិញបាយទុកហូប លុះមកដល់មុខផ្ទះសំណាក់ សន្តិភាព នៅម្តុំអូដឹម ជនសង្ស័យត្រូវជាប្អូនគូដណ្តឹងបានឌុបចូលផ្ទះ សំណាក់ ហើយប្រាប់នាងថា ចូលជ្រកភ្លៀង ហូបបាយសិនចាំបន្តដំណើរទៀត ក៏បាននាំគ្នាឡើងផ្ទះសំណាក់ ។ បន្ទាប់មកបានហូបបាយ រួចហើយ ស្រាប់តែជនសង្ស័យត្រូវជាប្អូនគូដណ្តឹង បានចាប់ផ្តួល ហើយនាងស្រែក តែជនសង្ស័យខាងលើ បានច្របាច់ក នាងថែមទាំងគំរាមសំលាបទើបនាងមិនហ៊ានស្រែក ហើយបានរំលោភសម្រេច ចំនួន ២ដង ហើយមិនជូនទៅផ្ទះមីងនោះឡើយ ដោយឱ្យម៉ូតូឌុបមួយទៀត ជូនជំនួសហើយនាងបានត្រឡប់ទៅផ្ទះនាងវិញ ។
លុះនៅថ្ងៃទី១៤ ខែមិថុនា រំលងបានមួយថ្ងៃ នាងបានដាច់ចិត្ត ប្រាប់ទៅគូដណ្តឹងនាងនៅរឿងរ៉ាវទាំងអស់នោះតែម្តង ។ ប្រភពព័ត៌មានពីនារីរងគ្រោះបានបន្តទៀតថា ខណៈពេលដែលគូដណ្ដឹងនាងដឹងហើយ បានទៅប្តឹងសមត្ថកិច្ច ប៉ុស្តិ៍នគរបាលដើម្បីឱ្យសមត្ថកិច្ចឃាត់ខ្លួនជនសង្ស័យខាងលើ យកមកផ្តន្ទាទោសតាមច្បាប់ តែនាង មិនចាំទីតាំងកើតហេតុ សមត្ថកិច្ចមិនទាន់ទទួលពាក្យបណ្តឹងជនរងគ្រោះឡើយ តែសមត្ថកិច្ចដឹកជនរងគ្រោះដើររកទីតាំងកើតហេតុតែរក ពុំឃើញឡើយ។
លុះនៅវេលាម៉ោងកើតហេតុ គូដណ្ដឹងនាងបានឃើញជនសង្ស័យត្រូវជាប្អូន ឪពុកជាមួយ ម្ដាយផ្សេងគ្នា កំពុងលេង បុក ប៊ីយានៅក្នុងបុរីខាងលើ ហើយទូរស័ព្ទហៅសមត្ថកិច្ចឃាត់ខ្លួនជនសង្ស័យខាងលើភ្លាមៗផងដែរ ។
ក្រោយពេលកើតហេតុ បន្ទាប់ពីសមត្ថកិច្ចឃាត់ខ្លួនជនសង្ស័យខាងលើហើយ សមត្ថកិច្ចសាកសួរទៅជនសង្ស័យខាងលើ ដោយមិនបានសារភាពថាខ្លួនបានចាប់រំលោភលើនារីរងគ្រោះឡើយ ដោយឆ្លើយថា ខ្លួនត្រូវជនរងគ្រោះទូរស័ព្ទហៅមកផ្ទះសំណាក់ដោយមិនចាប់បង្ខំទេ គឺព្រមព្រៀងជាមួយគ្នា ។ លុះបន្ទាប់មកម្ដាយមីង ជនសង្ស័យសុំសម្របសម្រួល ដោះស្រាយសងជំងឺចិត្ត នារីរងគ្រោះទាមទារចំនួន ៣០០០ដុល្លារ តែម្តាយមីងគ្មានលទ្ធភាពសង ហើយសមត្ថកិច្ចកសាងសំណុំរឿងបញ្ជូនទៅផ្នែកជំនាញ ព្រហ្មទណ្ឌខណ្ឌពោធិ៍សែនជ័យដើម្បីចាត់ការបន្ត ៕