ភ្នំពេញ៖ បន្ទាប់ពីជួបគ្រោះថ្នាក់ចរាចរណ៍នាព្រឹកថ្ងៃទី ១៧ ខែមិថុនា ឆ្នាំ២០១៨ នៅស្រុកព្រៃនប់ ខេត្តព្រះសីហនុ អ្នកម្នាង អ៊ុក ផល្លា នៃសម្តេចក្រុមព្រះ នរោត្តម រណឬទ្ធិ បានសោយទិវង្គត នៅវេលាម៉ោង ជាង១២រសៀលថ្ងៃខែឆ្នាំដដែល ដែលដំណឹងនេះពិតជាក្រៀមក្រំបំផុតសម្រាប់ប្រជាពលរដ្ឋខ្មែរទាំងក្នុងនិងក្រៅប្រទេស ។
អ្នកម្នាង អ៊ុក ផល្លា ជាអតីតតំណាងអប្សរារបស់ប្រទេសកម្ពុជា ដោយបានចូលហាត់រៀនរបាំបុរាណនៅសាលាភូមិន្ទវិចិត្រសិល្បៈ ពេលមានវ័យ៩ឆ្នាំ ហើយបានចេញសម្តែងលើកដំបូងជាសាធារណៈពេលចម្រើនវ័យបាន ១៣ឆ្នាំ ។
សូមបញ្ជាក់ថា អ្នកម្នាង អ៊ុក ផល្លា មានចំណងដៃបុត្រ ២ព្រះអង្គជាមួយ សម្តេចក្រុមព្រះ នរោត្តម រណឬទ្ធិ ទី១ព្រះនាម នរោត្តម សុធារិទ្ធ ប្រសូតក្នុងឆ្នាំ ២០០៣ និងទី២ ព្រះនាម នរោត្តម រណវង្ស ប្រសូត្រក្នុងឆ្នាំ ២០១១ ។ អ្នកម្នាង អ៊ុក ផល្លា បានទទួលមរណភាពនៅអាយុ៣៩ឆ្នាំ ៕
សហការី KBN
