ភឹម តារាវិបុល អារម្មណ៍មិនប្រែប្រួលទោះបី ដាលីល ធ្លាក់ខ្លួនជាមេម៉ាយកូន១
thearyApril 7, 2018
បន្ទាប់ពីសម្ពោធដាក់បញ្ចាំងជាផ្លូវការ នូវខ្សែភាពយន្តភាគរឿង ម្ចាស់បំណុល របស់ផលិតកម្មមហាហង្ស សហការជាមួយស្ថានីយ៍ទូរទស្សន៍ PNN នៅ Hard Rock Cafe រួចមក គេបានសង្កេតឃើញមានតារាសម្តែង ជាច្រើនបានចូលរួម ក្នុងនេះតារាដែលលេចធ្លោជាងគេគឺ លោក ភឹម តារាវិបុល ដែលជាតួឯកប្រុសក្នុងរឿងនេះ ។
ទោះជាយ៉ាងណា តារាសម្តែងរូបសង្ហា ភឹម តារាវិល បានបញ្ជាក់ពីអារម្មណ៍ មិនប្រែប្រួលចំពោះ កូនស្រីលោក អ៊ិន សុភិន គឺអ្នកនាង ភិន សុដាលីស ទោះជានាងបានក្លាយទៅជាមេម៉ាយកូន១ទៅហើយក្តី ។ ហើយទោះបីជាយ៉ាងណា តាំងពីចូលប្រឡូកក្នុងសិល្បៈ មកដល់ពេលបច្ចប្បន្ននេះ ភឹម តារាវិបុល បានសម្តែងជាមួយ ភិន សុដាលីស ចំនួន៤រឿងមកហើយ គឺតាំងពីនាង នៅក្រមុំម្ល៉េះ ក្នុងនោះមានរឿងដូចជា “អច្ឆរិយស្នេហ៍” “ ឆ្អែតចិត្ត” “ខ្មោចទឹក” និងរឿងទី៤គឺ “ម្ចាស់បំណុល” ។
តែសូមអ្នកគាំទ្រទាំងអស់កុំយល់ច្រឡំ លោកបានបញ្ជាក់ហើយថា “និយាយទៅ សម្តែងជាមួយគាត់តាំងពីនៅក្រមុំ រហូតដល់កូន១ ក៏ពួកយើងនៅតែចាប់ដៃគូសម្តែងជាមួយគ្នា ហើយសម្រាប់ខ្ញុំវិញ អារម្មណ៍ខ្ញុំជាមួយគាត់ (ដាលីស) នៅតែដដែលអត់បានផ្លាស់ប្តូរនោះទេ នៅតែរក្សាភាពស្និទ្ធស្នាលចំពោះគ្នាជានិច្ច តែមិនមែនក្នុងន័យស្នេហានោះទេ” ៕
ម្សិលមិញនេះផលិតកម្មមហាហង្ស និងទូរទស្សន៍ PNN បានធ្វើពិធីសម្ពោធដាក់បញ្ចាំងជាផ្លូវការ នូវខ្សែភាពយន្តភាគរឿង”ម្ចាស់បំណុល” នៅ Hard Rock Cafe ។ ក្នុងនោះ ភឹម តារាវិបុល ជាតួឯកប្រុសនៃរឿងខាងលើបានបញ្ជាក់ប្រាប់អារម្មណ៍ពិតមិនប្រែប្រួលចំពោះអ្នកមេម៉ាយ ភិន សុដាលីស ទោះបីពេលនេះ នាង មានកូន១ទៅហើយក្ដី។
ក្នុងពេលជួបសម្ភាសន៍ ជាមួយអ្នកសារព័ត៌មាន លោក អ៊ិន សុភិន អគ្គនាយកផលិតកម្មមហាហង្ស បានលើកឡើងថា ចំពោះខ្សែភាពយន្តភាគរឿង “ម្ចាស់បំណុល” ដែលកូនស្រីខ្លួន និង ភឹម តារាវិបុល ចាប់ដៃគ្នាសម្ដែងជាតួឯក គឺជាប្រភេទភាគបែបកម្សត់ មនោសញ្ចេតនាស្នេហាអូនបង លាយឡំឈុតឌឺដង កាច់កុងគ្នារវាងតួឯកប្រុស និងតួឯកស្រី។ ហើយលោកបានបញ្ជាក់ទៀតថា “បាទ! នេះគឺជាលើកទី២ ដែលមហាហង្ស និងទូរទស្សន៍ PNN បានសហការគ្នាផលិតរឿងភាគ ដាក់បញ្ចាំងនៅប៉ុស្តិ៍ទូរទស្សន៍ ហើយរឿងទី១ដែលពួកយើង សហការគ្នាគឺរឿង “បំភ្លេចមិនបាន” រឿងមួយហ្នឹងទទួលបានការគាំទ្រ យ៉ាងច្រើនលើសលុប សម្រាប់រឿង “ម្ចាស់បំណុលនេះវិញ ខ្ញុំជឿជាក់ថា មានអ្នកគាំទ្រមិនចាញ់រឿង មុននោះទេ”៕
