ខេត្តបន្ទាយមានជ័យ៖ កម្លាំងនគរបាលអន្តរប្រវេសន៍ បានឆែកឆេរ និងត្រួតពិនិត្យឯកសាររបស់ជនជាតិជិត៥០នាក់ ដែលចូលមកាន់ប្រទេសកម្ពុជា តាមច្រកទ្វារអន្តរជាតិប៉ោយប៉ែត ក្រុងប៉ោយប៉ែត ប៉ុន្តែដោយសារពួកគេមិនមានឯកសារគ្រប់គ្រាន់ ទើបឃាត់ខ្លួន កាលពីព្រឹក ថ្ងៃទី១៦ ខែមករា ឆ្នាំ២០១៨។
មន្ត្រីនគរបាលអន្តរប្រវេសន៍ប្រចាំច្រកអន្តរជាតិប៉ោយយប៉ែត បានឲ្យដឹងថា កាលពីព្រឹកមិញនេះ នគរបាលអន្តរប្រវេសន៍ប្រចាំាការ នៅច្រកទ្វារអន្តរជាតិប៉ោយប៉ែត បានឃាត់ខ្លួនជនជាតិចិនប្រមាណ ៥០នាក់ ក្នុងនោះមានស្រី១០នាក់ ហើយសមត្ថកិច្ចបានបញ្ជូនពួកគេទៅកាន់ប៉ុស្តិ៍នគរបាលអន្តរប្រវេសន៍ច្រកទ្វារអន្តរជាតិប៉ោយប៉ែត ដើម្បីត្រួតពិនិត្យលិខិតឆ្លងដែន៕
