ប្រទេសស៊ីរី៖ អ្នកនាំពាក្យរបស់កងជីវពលម្នាក់ បាននិយាយ នៅថ្ងៃអង្គារ ទី១៧ ខែតុលា នេះថា កងកម្លាំងយោធារបស់ប្រជាធិបតេយ្យ ហៅកាត់ SDF ដែលគាំទ្រដោយសហរដ្ឋអាមេរិក បានដណ្ដើមបានមន្ទីរពេទ្យជាតិ នៅ Raqqa អតីតរដ្ឋធានីស៊ីរី ដែលជាមូលដ្ឋានចុងក្រោយ នៃរដ្ឋអ៊ីស្លាមនិយមជ្រុល។
លោក Maxafa Bali អ្នកនាំពាក្យរបស់កងជីវពល SDF បានបន្តថា SDF ដែលជាសម្ព័ន្ធភាពរបស់ពួកឃឺដ និងក្រុមសកម្មប្រយុទ្ធអារ៉ាប់ កំពុងតែប្រយុទ្ធប្រឆាំងនឹងរដ្ឋអ៊ិស្លាមនិយមជ្រុល នៅតំបន់ជុំវិញកីឡដ្ឋាន Raqqa ។
«ក្នុងអំឡុងការប៉ះទង្គិចគ្នានេះ មន្ទីរពេទ្យជាតិត្រូវបានរំដោះ និងលុបបំបាត់ចោលពីក្រុមទាហានស៊ីឈ្នួលដាយែស ហើយទាហានស៊ីឈ្នួលបរទេសចំនួន២២នាក់ ត្រូវបានសម្លាប់នៅទីនោះ»។
ពហុកីឡដ្ឋាននេះ គឺជាទីតាំងដ៏សំខាន់ចុងក្រោយ ដែលត្រូវបានកាន់កាប់ ដោយរដ្ឋអ៊ីស្លាម បន្ទាប់ពីមានការប្រយុទ្ធគ្នា រយៈពេលបួនខែ នៅទីក្រុង Raqqa និងការចាកចេញរបស់ពួកយុទ្ធជនរបស់ពួកគេ នៅក្រោមកិច្ចព្រមព្រៀងមួយ កាលពីថ្ងៃអាទិត្យ ដែលបន្សល់ទុកតែពួកជីហាដបរទេសតែប៉ុណ្ណោះ។
នៅឆ្នាំនេះ ក្រុមរដ្ឋអ៊ិស្លាមនិយមជ្រុល បានបាត់បង់ទឹកដីរបស់ខ្លួន នៅក្នុងប្រទេសស៊ីរី និងអ៊ីរ៉ាក់ រួមមាន Mosul នៅអ៊ីរាក់ ហើយនៅក្នុងប្រទេសស៊ីរី ត្រូវបានបង្ខំឱ្យចូលទៅក្នុងច្រាំង នៃជ្រលងភ្នំអ៊ុយក្រែន និងតំបន់វាលខ្សាច់ នៅជុំវិញ។
កងកម្លាំងយោធារបស់ប្រជាធិបតេយ្យ ហៅកាត់ SDF បានគាំទ្រពីក្រុមចម្រុះអន្តរជាតិ ដឹកនាំដោយសហរដ្ឋអាមេរិក បានវាយប្រហារតាមអាកាស និងកងកម្លាំងពិសេសដែលកំពុងប្រតិបត្តិការ នៅលើដី បានចាប់ផ្តើមប្រយុទ្ធវាយដណ្ដើកាន់កាប់ទីក្រុង Raqqa តាំងពីដើមខែមិថុនាមកម៉្លេះ៕