ព្រឹត្តការណ៍តន្ត្រីដ៏កក្រើក បានបោះជំហានទី 3 មកដល់រាជធានីភ្នំពេញ នៅទល់មុខ វិមានសុភមង្គល ។ ទស្សនិកជនយ៉ាងច្រើនកុះករ បានមកចូលរួម ក្នុងព្រឹត្តការណ៍តន្ត្រី Eragold Carnival 2017 ដើម្បីត្រៀមជួបជាមួយ កំពូលតារាចម្រៀង និងចូលរួមយ៉ាងរីករាយ ជាមួយការតាំងលក់ផលិតផល ជាច្រើនមុខ ។
ទស្សនិកជនជាច្រើន បានចូលមកកាន់ទីតាំងនៃកម្មវិធី ដើម្បីទទួលស្វាគមន៍ព្រឹត្តការដ៏ពិសេសនេះ ដែលពោពេញរំភើប ជាមួយវត្តមានកំពូលតារាចម្រៀង លោក ឆន សុវណ្ណរាជ អ្នកនាង ពេជ្រ សោភា លោក ហ្សូណូ លោក នីរតនា កញ្ញា រ៉េត ស៊ូសាណា និង កញ្ញា ប៉ាច គីមមួយ ។
គ្រប់បទចម្រៀង និងក្បាច់រាំដ៏កន្ត្រាក់អារម្មណ៍ បានធ្វើឲ្យផ្ទៃកម្មវិធីទាំងមូល ពោរពេញដោយសម្លេងអបអរ យ៉ាងកងរំពង និងរំភើបបំផុត ។ ជាមួយវត្តមានរបស់ អ្នកនាង ពេជ្រ សោភា ភាពរីករាយ យ៉ាងកក្រើកឆាក បានកើតមានឡើងបន្ថែមទៀត ជាមួយបទចម្រៀង ដ៏ពេញនិយម និងកន្រ្តាក់អារម្មណ៍ ដែលធ្វើឲ្យទស្សនិកជន ទាំងអស់បានចូលរួម រាំតាមចង្វាក់ភេ្លង និងហ៊ោកញ្ជ្រៀវយ៉ាងអស់ពីចិត្ត ។
នៅពេលកម្មវិធី ជិតឈានដល់ទីបញ្ចប់ រំភើប បានបន្តកើនឡើងជាមួយការ ចាប់ឆ្នោតរង្វាន់ធំ រួមមាន ម៉ូតូ Honda Dream 2017 ទូរទស្សន៍ LED 32” និងរង្វាន់ជាច្រើនទៀត ជូនដល់អតិថិជនដែលបានចូលរួម ទិញផលិតផលជាច្រើនមុខ ដែលមានតាំងលក់ជាពិសេស ។ ដើម្បីចែករំលែកនូវទិដ្ឋភាព ដ៏រីករាយនេះ Eragold Carnival ក៏មានផ្សាយផ្ទាល់ តាមរយៈកញ្ចក់ទូរទស្សន៍ ហង្សមាស HDTV និងទំព័រហ្វេសប៊ុក Eragold Singapore ។
ព្រឹត្តការណ៍ដ៏អស្ចារ្យនេះបានរៀបចំឡើង ដើម្បីផ្តល់ភាពរីករាយ ដល់ទស្សនិកជន គ្រប់បណ្តាខេត្ត ក្រុង និងការផ្តល់ជូនជាពិសេស នូវផលិតផលដែលមាន គុណភាពខ្ពស់ ដែលអតិថិជនទាំងអស់តែងមានទំនុកចិត្ត ។ ព្រឹត្តការណ៍ Eragold Carnival 2017 នេះនាំមកជូនជាពិសេសដោយ ទឹកសណ្តែកធម្មជាតិ Eragold កាហ្វេ GoldRoast ទឹកដោះគោ Gold Cupp ម្សៅពោតសាលី Calsome ភេសជ្ជៈប៉ូវកម្លាំង Zeus Blue ប្រេងផ្កាឈូករ័ត្ន OREY ត្រីខ Singapore Brand និង ប៊ីចេង Jin Jing ។ ផលិតផលទាំងអស់សុទ្ធតែ ជាផលិតផលគុណភាពខ្ពស់ពីប្រទេស សាំងហ្គាពួរ និងនាំមកជូនផ្តាច់មុខដោយ ស៊ូន ស៊ូន គ្រុប ។
រាល់ផលិតផលទាំងអស់ និងមានការតាំងលក់ ជាមួយការផ្តល់ជូនពិសេស នៅគ្រប់ព្រឹត្តការណ៍ Eragold Carnival 2017 ។
Eragold Carnival 2017 នឹងបន្តវត្តមានជាបន្តទៀត រយៈពេល 2 ថ្ងៃ គឺនៅថ្ងៃទី 16 និងទី 17 ខែ កញ្ញា ឆ្នាំ 2017 នៅពហុកីឡដ្ឋាន ខេត្តបាត់ដំបង ។ សូមចូលរួមដើម្បីទទួលយក ភាពរីករាយ ដ៏ស្រស់ថ្លា ក្នុងព្រឹត្តការណ៍ Eragold Carnival 2017 ។