មេដឹកនាំកូរ៉េខាងជើង លោកគីម យុងអ៊ុន កំពុងមានការព្រួយបារម្ភ និងភ័យខ្លាច ថាអាមេរិកអាចនឹងប្រើឃាតកម្មនយោបាយ មកលើរូបលោក តាមរយៈការប៉ុនប៉ងវាយប្រហារសម្ងាត់មួយ។ នេះបើយោងតាមទីភ្នាក់ងារសារព័ត៌មានកូរ៉េខាងត្បូងចុះផ្សាយ នៅថ្ងៃសុក្រ ទី១៦ ខែមិថុនា ឆ្នាំ២០១៧។
ប្រភពដដែលបន្តថា មេដឹកនាំលោក គីម ជុងអ៊ុន បានផ្លាស់ប្ដូររថយន្តទំនើបរបស់ខ្លួនម៉ាក Mercedes-Benz 600 មកប្រើរថយន្តរបស់អ្នកក្រោមបង្គាប់ជំនួសវិញ ឬក៏រថយន្តទំនើបៗផ្សេងៗ ដើម្បីឆ្លាស់គ្នាធ្វើដំណើរជុំវិញទីក្រុង។
ទន្ទឹមគ្នានេះដែរ ទីភ្នាក់ងារចារកម្មកូរ៉េខាងត្បូងបានលើកឡើងថា ឥរិយាបថរបស់គីម ជុងអ៊ុ កំពុងបង្ហាញឲ្យឃើញថា រូបលោកកំពុងភ័យខ្លាច មានការវាយប្រហារទៅលើទីក្រុងរបស់ខ្លួន ជាពិសេសគឺការធ្វើឃាតមកលើខ្លួនឯងផ្ទាល់។ មួយវិញទៀតមេដឹកនាំរូបនេះភ័យខ្លាចយ៉ាងខ្លាំង ចំពោះក្រុមកងកម្លាំងពិសេសរបស់អាមេរិក និងកូរ៉េខាងត្បូង ដែលបានបង្កើត ដើម្បីបញ្ជូនទៅវាយប្រហារដល់ ទីក្រុងព្យុងយ៉ាង។
គួរបញ្ជាក់ផងដែរថា បើតាមការអះអាងពីទីភ្នាក់ងារសេវាកម្មស៊ើបការណ៍សម្ងាត់ជាតិ (NIS) បានឲ្យដឹងថា អាមេរិក និងកូរ៉េខាងត្បូងកំពុងព្យាយាមបង្កើតក្រុមកងកម្លាំងពិសេស ក្នុងគោលបំណងបញ្ជូនទៅវាយប្រហារមេដឹកនាំ ទីក្រុងព្យុងយ៉ាង៕
ប្រភព៖ Express
ផ្តល់សិទ្ធដោយ៖ kqube.net