ឈីកាហ្គោ៖ មន្ត្រីប៉ូលិសអាមេរិក បានរាយការណ៍ឲ្យដឹងថា មាននិស្សិតអាហារូបករណ៍ចិនម្នាក់ បានបាត់ខ្លួនពីសកលវិទ្យាល័យ UIUC ក្នុងទីក្រុង Urbana រដ្ឋ Illinois ប្រទេសអាមេរិក។ នេះបើយោងតាមគេហទំព័រសារព័ត៌មាន xinhua បានចុះផ្សាយនាព្រឹកថ្ងៃសុក្រ ទី១៦ ខែមិថុនា ឆ្នាំ២០១៧។
មន្ត្រីប៉ូលិសស៊ើបអង្កេតអាមេរិក FBI បាននិយាយប្រាប់ថា និស្សិតអាហារូបករណ៍ដែលបានបាត់ខ្លួនឈ្មោះ Zhang Yingying ភេទស្រី អាយុ ២៦ឆ្នាំ គឺជាករណីចាប់ជំរិត។ មន្ត្រីប៉ូលិស បានបន្តទៀតថា នាងពាក់មួកកីឡាបាល់បោះពណ៌ខ្មៅ អាវពណ៌ផ្កាឈូកលាយស ជាមួយខោវប៊យពណ៌ស ស្បែកជើងវៃកូនបាល់(Tennis) និងស្ពាយកាបូបពណ៌ខ្មៅ។
គួររម្លឹកផងដែរថា មន្ត្រី FBI បានកំណត់មុខជនសង្ស័យ ដែលបានចាប់ជំរិតនិស្សិតស្រីខាងលើហើយ គឺជាមនុស្សប្រុសស្បែកស ដែលបាននិយាយគ្នាជាមួយនាងចុងក្រោយនៅក្នុងឡានរបស់គាត់ នៅថ្ងៃសុក្រសប្ដាហ៍មុននេះ៕ ផ្ដល់សិទ្ធដោយ៖ Kqube