ចំពោះប្រជាពលរដ្ឋខ្មែរ ដែលនិយមប្រើរថយន្ដជជុះ ពីបរទេសដ៏ច្រើនលើសលប់ ពិសេសសហរដ្ឋអាមេរិក តែងតែមានការខ្វល់ខ្វាយ ពីប្រវត្ដិរថយន្ដដែលជួបគ្រោះថ្នាក់ បាក់បែកនៅស្រុកគេ រួចនាំចូលមកលក់នៅកម្ពុជា យ៉ាងគគ្រឺកគគ្រែង។
ដោយចាប់បដិសន្ធិក្នុង ឆ្នាំ២០១២ Autocheck Cambodia បានផ្ដល់សេវាកម្មពិនិត្យ ប្រវត្ដិរថយន្ដមួយទឹក (ជជុះ) ដែលចុះឈ្មោះជាសមាជិករបស់ Experian Automotive នៅអាមេរិក។
លោក ឌី ទីណា ទទួលបន្ទុកប្រធានផ្នែកទំនាក់ទំនង អតិថិជនរបស់ Autocheck Cambodia និងជាម្ចាស់អាជីវកម្មចែកចាយ និងផ្គត់ផ្គង់គ្រឿងតុបតែង រថយន្ដផងនោះ បានរៀបរាប់ពីតួនាទីចម្បងរបស់ Autocheck Cambodia ថា៖ «យើងផ្ដល់ព័ត៌មានលម្អិតដល់ អតិថិជនអំពីប្រវត្តិរថយន្ដ តាំងចេញពីរោងចក្ររហូតមកដល់ស្រុកខ្មែរ ដែលមាន ៥ចំណុច ដូចខាងក្រោម ដោយគ្រាន់តែ បញ្ជូនលេខកូដតួឡាន តែប៉ុណ្ណោះ»។
ចំណុចទីមួយ៖ គួរចៀសវាងទិញរថយន្ដមានម្ចាស់ច្រើន ពីព្រោះសម្ភារៈខាងក្នុង អាចមានសភាពចាស់ និងខូចខាតច្រើន ដោយសារការប្រើប្រាស់ពីម្ចាស់មួយទៅម្ចាស់មួយ អាចដាក់រត់តាក់ស៊ីឬរថយន្ដឈ្នួលជាដើម។
ចំណុចទីពីរ៖ ប្រវត្ដិគ្រោះថ្នាក់ចរាចរណ៍ នៅអាមេរិកដែលបញ្ជាក់ពីការ ខូចខាតដ៏ប្រាកដប្រជា ដើម្បីឲ្យអ្នកទិញពិនិត្យ និងសម្រេចចិត្ដងាយស្រួល។ គួរជៀសវាងរថយន្តដែលបុក បែកពោងសុវត្តិភាព រថយន្តលិចទឺក រឺ រថយន្តឆាប់ឆេះដោយអគ្គីភ័យ។
ចំណុច ទី៣៖ ចំពោះចម្ងាយប្រើប្រាស់ ដែលគិតជា (Mile) ចុងក្រោយបំផុត មុនពេលបញ្ជូនមកដល់ស្រុកខ្មែរ ដើម្បីឲ្យអ្នកទិញដឹងពីកម្រិត នៃការប្រើប្រាស់ និងអាយុកាលរបស់ម៉ាស៊ីន។ បើការប្រើប្រាស់ លើសពី ១៥០០០ ម៉ាយ ឬ ២៤០០០ គីឡូម៉ែត្រក្នុងមួយឆ្នាំ អាចចាត់ទុកថា ជារថយន្ដដែលបានប្រើច្រើន ហើយវាអាចនឹងត្រូវផ្លាស់ប្ដូរ គ្រឿងបន្លាស់ច្រើនទៀត បន្ទាប់ពីប្រើប្រាស់មួយរយះពេលមក»។
ចំណុច ទី៤៖ ចំពោះបាត់ក្រោម ឬជើងក្រោមរថយន្ត បើវានៅរដ្ឋដែលត្រជាក់ និងធ្លាក់ទឹកកក នោះបាតក្រោមរបស់វា នឹងមានសភាពច្រែះ និងពុកផុយខ្លះ។ គួរជៀសវាងរថយន្ត ដែលប្រើប្រាស់នៅរដ្ធ New York (NY), Washington D.C, New Hamspire (NH), Massachusetts (MA), Maryland (MD), Connecticut (CT) ឬ មកពី Canada ពីព្រោះយើងអាចនឹងចំណាយប្រាក់ច្រើន ដើម្បីជួសជុលជើងក្រោម។
ចំណុច ទី៥៖ វាជាចំណុចសំខាន់ នៃរបាយការណ៍ពិន្ទុសរុប Autocheck Score។ ក្រោយពីធ្វើការផ្ទៀងផ្ទាត់ បើរថយន្ដមួយគ្រឿងនេះ មានពិន្ទុសរុប ស្ថិតនៅក្នុងចន្លោះល្អនោះ Experian Automotive ហ៊ានទិញចូលវិញក្នុងតម្លៃរហូតដល់ ១១០ភាគរយឯណោះ។
ជាមួយនឹងសមាជិក ៤ នាក់ ដែលមានតួនាទីផ្សេងៗគ្នា លោក ទីណា បានឲ្យដឹងថា ប្រភពព័ត៌មានគួរឲ្យទុកចិត្ដរបស់ Autocheck Cambodia បានមកពី Department of Motor Vehicle (DMV) នៅសហរដ្ឋអាមេរិក ភ្នាក់ងារដេញថ្លៃររថយន្ត ក្រុមហុនធានារ៉ាប់រង ស្ថាបន័ប៉ូលីសចរាចរណ៏ និងប្រភពដទៃទៀត។
ដោយមានអតិថិជនជាង ៨០០០ នាក់ Autocheck Cambodia យកថ្លៃសេវាកម្មតែ ៦ ដុល្លារសម្រាប់របាយការណ៏ ប្រវត្តិរថយន្តនិង ៥ ដុល្លារសំរាប់រូបភាពឡានបុក១០សន្លឹក។
លោកបានបញ្ចក់ថា៖ «ដើម្បីឆែកអតិថិជន គ្រាន់តែផ្ញើរលេខតួរថយន្ត នៅជាប់ទ្វារខាងអ្នកបើក មកកាន់ Inbox Messenger របស់ប្វេសបុក Autocheck Cambodia រឺទំនាក់ទំនងមកកាន់លេខ ០១៧ ៦៨ ៤៨ ៦៦ បន្ទាប់មកអតិថិជននឹងទទួលបាន ព័ត៌មានអំពីរថយន្ដដ៏រហ័សត្រឹមតែ ២ នាទីប៉ុណ្ណោះ និងមានក្រុមជំនាញសង្ខេប ជាភាសាខ្មែរជូនទៀតផង»។
លោកបានអះអាងថា៖ «យើងផ្ដល់ព័ត៌មានលម្អិត ដោយឥតលម្អៀងទេ ហើយក៏មិនត្រូវរ៉ូវអ្វីជាមួយ នឹងម្ចាស់ការ៉ាសដែរ ដោយសារតែព័ត៌មាន ពីអាមេរិកទាំងអស់ គ្មាននរណាអាចផ្លាស់ប្ដូរបានឡើយ»។
បន្ថែមទៅលើសេវាកម្ម ពិនិត្យប្រវត្តិឡានហើយ Autocheck Cambodia ក៏មានសេវាកម្ម ៣ទៀតសំរាប់បង្កើនទំនុកចិត្ត និងបំពេញតំរូវការរបស់អតិថិជនរូមមាន ៖
សេវាកម្មពិនិត្យប្រវត្តិរថយន្ត ដល់ទីកន្លែង ដែលពិនិត្យយ៉ាងលំអិត ទៅលើ៥ចំនុចដោយក្រុមជំនាញ មានបទពិសោធជាង១០ឆ្នាំ ក្នុងនោះរួមមានការពិនិត្យ ទឹកថ្នាំរថយន្តទាំងមូល ពិនិត្យគុណភាពម៉ាស៊ីន ពិនិត្យជើងក្រោមរថយន្ត ដោយឡើងប៉ុងមើល ពិនិត្យប្រអប់លេខ ABS ពោងសុវត្តិភាពជាដើម និងចុងក្រោយឯកសារឡាន។ សេវាកម្មនេះមានតម្លៃចាប់ពី $៨០ ដុល្លារប៉ុណ្ណោះ សំរាប់មួយគ្រឿង។ សូមទំនាក់ទំនងកក់ ក្រុមជំនាញតាមរយៈលេខ ០១៧ ៦៨៤ ៨៦៦
សេវាកម្មផ្សព្វផ្សាយលក់រថយន្ត ក្រដាស់ពន្ធឬស្លាកលេខទាំងអស់ ដែលមានប្រវត្តិគុណភាពល្អ អាចទទួលយកបាន ដើម្បីបង្កើនភាពងាយស្រួលដល់អតិថិជន និងបង្កើនការលក់ដល់ម្ចាស់ការ៉ាស់។ សេវាកម្មនេះ មានតម្លៃត្រឹមតែ $៣០ដុល្លារប៉ុណ្ណោះ សំរាប់ការផ្សព្វផ្សាយលក់រថយន្តមួយគ្រឿង ក្នុងរយៈពេល១ខែ។ សូមទំនាក់ទំនងមក Autocheck Cambodia តាមរយៈលេខ ០១៧ ៦៨៤ ៨៦៦
សេវាកម្មផ្សព្វផ្សាយ លក់ផលិតផលរថយន្ត តាមបណ្តាញ Facebook ដែលមានប្រសិទ្ធិភាព និងតំលៃសមរម្យសំរាប់ម្ចាស់ អាជីវកម្មរថយន្តទាំងឡាយ ដូចជាហាងលក់គ្រឿង តុបតែងរថយន្ត ហាងលក់គ្រឿងបន្លាស់រថយន្ត ហាងទិញ លក់ បញ្ចំ រថយន្ត គ្រប់ប្រភេទ យានដ្ឋានលក់រថយន្តគ្រប់ប្រភេទ យានដ្ឋានជួសជុលរថយន្តគ្រប់ប្រភេទ យានដ្ឋានលាងរថយន្ត ប៉ូលារនិងប្តូរប្រេងម៉ាស៊ីនរថយន្ត ឬ គ្រឹះស្ថានផ្តល់សេវាកម្ម បង់រំលោះរថយន្តគ្រប់ប្រភេទជាដើម។ សេវាកម្មនេះមានតម្លៃចាប់ពី $១២ ដុល្លារប៉ុណ្ណោះ សំរាប់ចំនួនអ្នកដែលបានឃើញ ១០,០០០នាក់ឡើងទៅ។ សូមទំនាក់ទំនងមក Autocheck Cambodia តាមរយះលេខ ០១៧ ៦៨៤៨៦៦។
ជាចុងក្រោយ លោកសំណូមពរឲ្យអតិថិជនទាំងអស់ ត្រូវពិនិត្យមើលព័ត៌មាននានា ចំពោះរថយន្ដមួយទឹក ដែលពួកគេចង់ទិញ ជាជាងការទិញដោយប្រថុយប្រថាន៕