សិល្បៈ ៖ មួយរយៈនេះតារាសម្ដែងកញ្ញា ដេនីក្វាន់ បានបង្ហាញរូបថតជាមួយគូស្នេហ៍ថ្មីញឹកញាប់ណាស់ ប៉ុន្តែរូបថតបុរសថ្មីនេះត្រូវបាននាងបាំងមុខមិនទាន់បង្ហាញមុខមាត់ពិតឡើយ រហូតធ្វើឲ្យមិត្តភ័ក្ដិ និងទស្សនិកជនចង់ស្គាល់មុខមាត់ពិតបុរសម្ចាស់បេះដូងថ្មីរបស់នាងជាខ្លាំង។
យ៉ាងណាមិញមុននេះបន្តិច ដេនីក្វាន់ បានបង្ហាញរូបថតម្ចាស់ចិត្តជាថ្មី ហើយនាងនៅតែបិតមុខបុរសម្នាក់នេះដដែល ហើយនាងក៏បានសរសេរសារបន្ថែមថា ” តាំងពីអូនស្រលាញ់បងមក អូនបានកើតជំងឺម្យ៉ាងឈ្មោះ (មហារួមបេះដូង) បេះដូងអូនចេះតែរួមតូច
ទៅៗរហូតដាក់អ្នកផ្សេងលែងបាន…ដាក់បានតែបងម្នាក់”។
អារម្មណ៍ពិតរបស់ ដេនីក្វាន់ ចំពោះគូស្នេហ៍ថ្មី មាឌដូចក្របីឡើងករូបនេះ បើសិនជាបុរសម្នាក់នេះបានឃើញ មិនដឹងថា សប្បាយចិត្តកម្រិតណាទេ ព្រោះស្ដាប់ទៅនាងមានចិត្តស្មោះនឹងស្នេហាមួយនេះ គ្មានចិត្តវៀចវេរឡើយ។ ជាមួយគ្នានោះក៏មានអ្នក Fan របស់នាងជាច្រើនបានសម្ដែងការកោតសរសើរគូស្នេហ៍ថ្មីរបស់ ដេនីក្វាន់ ថា បុរសម្នាក់នេះពិតជាសំណាងណាស់ដែលទទួលបានការស្រឡាញ់ស្មោះតារាស្រីសិចស៊ីរូបនេះ៕ ផ្ដល់សិទ្ធដោយ៖ Kqube
