កូឡាឡាំពួរ៖ បុគ្គល ៦នាក់ ដែលមានទំនាក់ទំនង ជាមួយក្រុមហ៊ុនរដ្ឋាភិបាលមួយ ឈ្មោះ GLC បូករួមទាំង ជនជាតិម៉ាឡេស៊ី ៤នាក់ផ្សេងទៀត ត្រូវបានគណៈកម្មាធិការ ប្រឆាំងអំពើពុករលួយម៉ាឡេស៊ី (MACC) ចាប់ឃុំខ្លួន ពីបទរំលោភបំពានអំណាច និងប្រព្រឹត្តអំពើពុករលួយ។ នេះបើតាមការចុះផ្សាយ របស់សារព័ត៌មាន Channel News Asia នាព្រឹកថ្ងៃពុធ ទី០៧ ខែមិថុនា ឆ្នាំ២០១៧។
អនុប្រធានគណៈកម្មាធិការ ប្រឆាំងអំពើពុករលួយម៉ាឡេស៊ី លោក Azam Baki បានថ្លែងឲ្យដឹង នៅថ្ងៃនេះថា ជនជាប់ទោសខាងលើរួមមាន នាយកក្រុមហ៊ុន GLC លេខាធិការ អគ្គហិរញ្ញិក និងសមាជិកមួយចំនួនទៀត ដែលជាប់ពាក់ព័ន្ធនឹងក្រុមហ៊ុនរដ្ឋាភិបាលមួយនេះ។
លើសពីនេះទៀតប៉ូលិស កំពុងតាមដានជនសង្ស័យ ប្រមាណជា ៤៥០នាក់ទៀត ជាបក្សពួកប្រព្រឹត្តបទល្មើស។ យ៉ាងណាមិញ MACC មិនបានបង្ហាញមុខមាត់ពិត របស់មេខ្លោងនោះទេ គ្រាន់តែបង្ហើបឲ្យដឹងថា ជាសមាជិករដ្ឋាភិបាលមួយរូប របស់ម៉ាឡេស៊ី ហើយរឿងក្ដីកំពុងស្ថិតក្រោម ការស៊ើបអង្កេតនៅឡើយ៕
ផ្តល់សិទ្ធដោយ៖ kqube.net