រាជធានីភ្នំពេញ៖ មុនទទួលមរណភាព ពិធីករដ៏ល្បីឈ្មោះ លោក អុិត សេដ្ឋា បានរៀបរាប់ពីអាការៈជំងឺរបស់ខ្លួន ខណៈទៅចូលរួមធ្វើជាពិធីករក្នុងកម្មវិធីមួយ នៅឯសាលាភូមិន្ទវិចិត្រសិល្បៈ ហើយមានអាការៈមិនស្រូវខ្លួន ទើបលោកត្រលប់មកព្យួរសេរ៉ូមនៅគេហដ្ឋានវិញ។
តាមការលើកឡើងរបស់លោក គឺលោកបានត្រៀមខ្លួនរួចជាស្រេចទៅហើយ ចំពោះអាការៈជំងឺនោះ បើទោះបីមានមិត្តក្រុមការងារខ្លះបានប្រាប់លោកថា អាការៈជំងឺលោក បណ្ដាលមកពីបែបនេះ បែបនោះក្ដី ប៉ុន្តែយ៉ាងណាក៏ដោយ ក្រោយជំងឺលោក អិុត សេដ្ឋា កាន់តែធ្ងន់ធ្ងរឡើងនោះ ត្រូវបានក្រុមការងារ និងក្រុមគ្រួសារបញ្ជូនមកសង្គ្រោះបន្ទាន់នៅមន្ទីរពេទ្យរុស្ស៊ីផងដែរ។
លោក អុិត សេដ្ឋា បានទទួលមរណភាពនៅវេលាម៉ោង ២ រសៀល ថ្ងៃទី០៤ ខែមិថុនា ឆ្នាំ២០១៧ ត្រូវជាថ្ងៃបោះឆ្នោតជ្រើសរើសមេឃុំចៅសង្កាត់ម្សិលមិញនេះ។ បច្ចុប្បន្នសពរបស់លោកបានតម្កល់នៅវត្តឧតរាវត្តី ខណ្ឌឫស្សីកែវ ស្ថិតតាមបណ្ដោយផ្លូវជាតិ៥ ដោយគ្រោងនឹងបូជានៅថ្ងៃច័ន្ទ ទី៥ ខែមិថុនា ឆ្នាំ២០១៧នេះតែម្ដង នេះបើយោងតាមក្រុមការងារលោក ហេង ឡុង ប្រាប់ដល់ខេឃ្យូប នៅព្រឹកនេះ។
សូមទស្សនិកជនទស្សនា និងស្ដាប់សម្ដីចុងក្រោយរបស់លោកដូចខាងក្រោមនេះ៖