ភ្នំពេញ ៖ ប្តីប្រពន្ធ និងកូនតូចម្នាក់ កំពុងតែជិះម៉ូតូធ្វើដំនើរតាមផ្លួវ ក៍ស្រាប់តែមានបុរសម្នាក់ បានជិះម៉ូតូក្នុងល្បឿនលឿន ជ្រុលទៅបុកពីក្រោយពេញទំហឹង បណ្តាលឱ្យ អ្នករងរបួសធ្ងន់ស្រាលចំនួន៤នាក់ ហេតុការណ៍នេះ បានកើតឡើងនៅវេលាម៉ោង ១០និង២៥នាទី យប់ថ្ងៃទី៣១ ខែឧសភា ឆ្នាំ២០១៧ ទុលមុខនិងយានដ្ឋាន ហៃកន ផ្លូវ២៧១ សង្កាត់ផ្សារដើមថ្កូវ ខណ្ឌចំការមន ។
តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញប្តីប្រពន្ធ និងកូនតូចម្នាក់ ជិះម៉ូតូម៉ាក ZOOMERX ពណ៌ស ពាក់ស្លាកលេខ ភ្នំពេញ 1FR-0379 ធ្វើដំនើរតាមផ្លូវ 271ក្នុងទិសដៅពីត្បូងទៅជើង ពីស្ពានអាកាសក្បាលថ្នល់ ទៅស្ពានអាកាសស្ទឹងមានជ័យ ខណៈមកដល់ចំនុចកើតហេតុ ក៏ស្រាប់តែបុរសម្នាក់វ័យ ៣០ឆ្នាំ បានជិះម៉ូតូម៉ាក ហុងដាឃ្លីក ពណ៌ស ពាក់ស្លាកលេខ ភ្នំពេញ FL-5346 បានធ្វើដំនើរតាមផ្លូវ២៧១ ក្នុងទិសដៅស្របគ្នា ក្នុងល្បឿនលឿន ព្រមទាំងមានធំក្លិនស្រា បានជ្រុលទៅបុកនិងម៉ូតូដែលជិះគ្នាបីនាក់ប្រពន្ធកូន បណ្តាលឱ្យស្រ្តីជាប្រពន្ធរងរបួសគ្រេចចង្កេះ ចំនែកឪពុក និងកូនតូចរងរបួសតិចតួច បាននាំគ្នាលើកម៉ូតូជិះឌុបប្រពន្ធយកទៅសង្គ្រោះនៅមន្ទីរពេទ្យ ។
ដោយឡែកខាងម៉ូតូបង្កហុងដាឃ្លីកវិញ រងរបួសបែកចិញ្ចើមសន្លប់ស្ដូកស្ដឹងមួយសន្ទុះ ក៍ដឹងខ្លួនវិញ ចំនែកម៉ូតូវិញបែកក្បាំងខាងមុខចំហៀងខាងឆ្វេង ។ ក្រោយពេលកើតហេតុរថយន្តសង្គ្រោះបានមកដឹកជនរងគ្រោះដែរ តែជនរងគ្រោះមិនព្រមទៅទេ បានទូរស័ព្ទហៅបងប្អូនអោយមកឌុបត្រលប់ទៅផ្ទះវិញ ៕ សហការី kbn-live.com
