ដែលថា សមាជិក ISIS ជាច្រើននាក់កំពុងលាក់ខ្លួននៅភាគខាងត្បូងប្រទេស ថៃ ហើយការបំផ្ទុះគ្រាប់បែកជាច្រើនលើកក្នុងប្រទេស ថៃ ក៏ជាប់ពាក់ព័ន្ធនឹងក្រុមនេះដែរ ។
លោក ប្រាយុទ្ធ បញ្ជាក់ថា ភាគខាងត្បូងប្រទេស ថៃ គ្មាន ISIS ឡើយ ព្រោះតាមការស្រាវជ្រាវរបស់អាជ្ញាធរ ថៃ មិនបានរកឃើញព័ត៌មានអំពីការលាក់ខ្លួនរបស់ជីវពលទាំងនោះ ហើយការវាយប្រហារជាច្រើនទាំងក្រុងប្រទេស និងក្នុងតំបន់ក៏មិនជាប់ពាក់ព័ន្ធជាមួយក្រុម ISIS ដែរ ។ ទោះយ៉ាងណា លោក ប្រាយុទ្ធ ស្នើដល់ប្រជាជនឲ្យយកចិត្តទុកដាក់ ធ្វើជាភ្នែក និងត្រចៀករបស់អាជ្ញាធរ ចំណែកសារព័ត៌មានត្រូវចុះផ្សាយដោយប្រុងប្រយ័ត្នជៀសវាងប៉ះពាល់ដល់សន្តិសុខជាតិ ។
លោកនាយករដ្ឋមន្ត្រីបានបញ្ជាឲ្យអាជ្ញាធរតាមដានឲ្យបានដិតដល់បំផុតនូវស្ថានភាពភាគខាងត្បូងប្រទេស ។ បច្ចុប្បន្នរដ្ឋាភិបាល ថៃ ព្រួយបារម្ភចំពោះភាគខាងត្បូង ជាកន្លែងមានក្រុមបំបែករដ្ឋកំពុងធ្វើសកម្មភាព ជាមូលហេតុអាចធ្វើឲ្យទីកន្លែងនោះក្លាយជាគោលដៅលាក់ខ្លួនរបស់ក្រុម ISIS ដែលកំពុងបាត់បង់មូលដ្ឋានស្ទើរទាំងអស់នៅមជ្ឈិមបូព៌ា ។ ISIS កំពុងប្រយុទ្ធជាមួយទាហានរដ្ឋាភិបាល ហ្វីលីពីន នៅលើកោះ មីនដាណាវ បំណងបង្កើតមូលដ្ឋានមួយនៅអាស៊ីអាគ្នេយ៍ ៕ ផ្ដល់សិទ្ធដោយ៖ kqube
