សិល្បៈ ៖ កញ្ញា នឿន ស្រីណា ហៅ អេនណា ត្រូវបានផលិតកម្ម សាស្តា ប្រកាសជាម្ចាស់ជ័យលាភីនៅថ្ងៃផ្ដាច់ព្រ័ត្រទី២៤ ខែ មេសា ឆ្នាំ២០១៧ ក្រោយពីកញ្ញាឆ្លងកាត់ការប្រកួតប្រជែងបេក្ខភាពចំនួន១៣០នាក់ និងបានប្រព្រឹត្តិអស់រយៈពេលជាង៥ខែ។ ពេលនេះកញ្ញាបានត្រៀមចេញបទចម្រៀងចំនួន៥បទ ដើម្បីស្វាគមន៍អ្នកគាំទ្ររបស់ខ្លួន។
ម្ចាស់ជ័យលាភីកម្មវិធី “តារាឯកសាស្តា” កញ្ញា នឿន ស្រីណា មានអាយុ ២០ឆ្នាំ កំពស់ ១.៦០ ម៉ែត្រទំងន់ ៤៥ គីឡូក្រាម មានស្រុកកំណើតនៅ ខេត្តព្រះសីហនុ និងជានិស្សិតរៀននៅវិទ្យាស្ថានជាតិពាណិជ្ជសាស្ត្រ ផ្នែកអាយធី ឆ្នាំទី ០៣។ ខណៈក្លាយជាតារាឯកសាស្តាភ្លាម នៅពេលនេះកញ្ញាអេនណា ក៏ត្រៀមចេញCD Vol-21 មានចំនួន៥បទ ដើម្បីស្វាគមន៍អ្នកគាំទ្ររបស់ខ្លួន។
បទចម្រៀងដែលត្រៀមចេញនេះបើតាមការបញ្ជាក់ព័ត៌មានពីអ្នកគ្រប់គ្រងផលិតកម្ម សាស្តា បានប្រាប់ថា បទទី០១ “ដុតបេះដូងចោល” បទទី០២ “ក្ដីសុខបងលើគំនរទុក្ខអូន” បទទី០៣ “ឈឺទ្រូងខាងឆ្វេង” បទទី០៤ “កុំចោទអូនជាមេរំខាន” និងបទទី០៥មានចំណងជើងថា ” រឿងអីខ្ញុំភ្លេចគេមិនបាន” ។
ប្រភពខាងលើនេះបន្តថា បទចម្រៀងទាំង៥នេះបានផលិតជាCDរួចរាល់ហើយ គឺផលិតកម្ម សាស្តា អាចចេញលើទីផ្សារនៅខ្ទង់ពាក់កណ្ដោលខែឧសភា ហើយពេលចេញCDរួចហើយដែរ ក្រៅពីនេះផលិតកម្មក៏ត្រៀមចេញថត MVផងដែរ៕
ផ្ដល់សិទ្ធិដោយ ៖ Kqube