ខេត្តកំពត ៖ មានករណីមួយបង្កឡើងរវាងឪពុក និងស្រីអកត្តញ្ញូ រត់តាមប្រុសម្នាក់ ធ្វើអោយមានការភ្ញាក់ផ្អើល ដល់ប្រពលរដ្ឋរាប់រយនាក់ឆោឡោឡោមព័ទ្ធ ឈមើលទាំងចាស់ទាំងក្មេង កាលពីវេលាម៉ោងប្រមាណ ០៦និង១០នាទីល្ងាច ថ្ងៃទី០២ ខែឧសភា ឆ្នាំ២០១៧ លើចិញ្ចើមផ្លូវជាតិលេខ៣៣A ត្រង់ចំណុចភូមិត្រាមសសរ ឃុំសំរោងលើ ស្រុកបន្ទាយមាស ខេត្តកំពត ។ បើតាមប្រភពអោយដឹងពីលោក ញ៉ែម ញឹប ភេទប្រុស អាយុ ៥០ឆ្នាំ ត្រូវជាឪពុកបានលើកឡើងថា កូនស្រីរបស់គាត់មានឈ្មោះ ញ.ធ.រ អាយុ ២១ឆ្នាំ ក្រុមគ្រួសាររបស់គាត់ មានទីលំនៅភូមិ១៥ សង្កាត់០៣ ខ័ណ្ឌមិត្តភាព ក្រុងព្រះសីហនុ ខេត្តព្រះសីហនុ ។
រូបគាត់បានរាបរាប់ថា កូនស្រីរបស់គាត់ត្រូវបានបាត់ខ្លួនពីផ្ទះអស់រយៈពេលចំនួន ២ថ្ងៃមកហើយ ការបាត់ខ្លួននេះ ត្រូវបានរូបគាត់ដឹងថា មានបុរសម្នាក់ឈ្មោះ( រឹម ដាវ )ភេទប្រុស អាយុ ២២ឆ្នាំ នាំយកលាក់នៅផ្ទះខ្លួន ដែលស្ថិតនៅភូមិទទឹម ឃុំវត្តអង្ញខាងត្បូង ស្រុកបន្ទាយមាស ខេត្តកំពត។ ដោយសាមានការផិតភ័យខ្លាចបាត់កូនស្រីនេះហើយ ទើបបានរូបគាត់បានបើករថយន្តដើររកមកដល់ទីនេះ ហើយក៏ប្រទះឃើញជិះម៉ូតូម្នាក់ឯង តាមបណ្តោយផ្លូវជាតិលេខ៣៣A ដែរនៅចំណុចភូមិឃុំកើតហេតុខាងលើ ។
ភ្លាមៗនោះ កូនស្រីរបស់គាត់ព្យាយាមជិះម៉ូតូគេចខ្លួន តែត្រូវបានរូបគាត់ជិះតាមកិតៗយ៉ាងដូច្នេះ ដោយគេចខ្លួនមិនបាននេះហើយ កូនស្រីគាត់ក៏សម្រេចចិត្តឈប់ម៉ូតូនៅស្ងាមតែម្តង ក្នុងហេតុការនេះ ដោយបានប្រកែកគ្នាជាមួយកូន ហើយបានធ្វើអោយភ្ញាក់ផ្អើលដល់ប្រជាពលរដ្ឋជាច្រើន មកព័ទ្ធចោមរោមមើលគ្រប់ៗគ្នា ។
ជាមួយគ្នានោះដែរ លោក (ញ៉ែម ញឹប) បានបន្តថា កូនស្រីរបស់គាត់រូបនេះកន្លងមក គឺជាមនុស្សញៀនថ្នាំ ហើយបុរសដែលនាំកូនគាត់មកនោះ គាត់បានអះអាងថា គឺជាមនុស្សម្នាក់ញៀនថ្នាំដូចគ្នាដែរ ទើបបានអ្នកទាំងពីររកគ្នាឃើញ ។
ពាក់ព័ន្ធករណីខាងលើនេះដែរ លោកអនុសេនីយ៍ទោ (ឥន រៀម) នាយប៉ុស្តិ៍រដ្ឋបាលនគរបាលសំរោងលើបានបញ្ជាក់ថា ទាក់ទឹននិងរឿងបញ្ហាខាងលើនេះ រូបលោកបានទទួលបទបញ្ជាអធិការរង ហើយព្យាយាមធ្វើការសម្រប់សម្រួល អោយអ្នកទាំងពីរតែប៉ុណ្ណោះ និងធ្វើលិខិតកិច្ចសន្យាប្រគល់កូនស្រីអោយទៅឪពុកផ្ទះវិញ ចំណែកបុរសដែលមានឈ្មោះ (រឹម ដាវ) ដែលកន្លងមក បានពាក់ព័ន្ធនាំកូនគេមកផ្ទះខ្លួននោះ ត្រូវធ្វើកិច្ចសន្យាប្រគល់ម៉ូតូយកទៅផ្ទះវិញដែរ ហើយឈប់បន្តធ្វើសកម្មភាពលួងលោមនាំកូនស្រីរបស់គេបន្តទៀត លោកអនុសេនីយ៍ទោបានបន្តថា បើស្រលាញ់គ្នាជាអនាគត់ ត្រូវទុកមុខមាត់អោយឪពុកម្តាយ ត្រូវគិតគូរតាមប្រពៃណីរួចចូលស្តីដណ្តឹងទៅតាមផ្លូវច្បាប់៕ ផ្ដល់សិទ្ធដោយ៖ vd7