ខេត្តកណ្តាល ៖ មានករណីគ្រោះថ្នាក់ចរាចរណ៍មួយ បានកើតឡើងរវាងម៉ូតូនិងមនុស្សថ្មើជើង នៅវេលាម៉ោង៦និង២០នាទីព្រឹក ថ្ងៃទី០២ ខែឧសភា ឆ្នាំ២០១៧ នៅត្រង់ចំណុចភូមិក្រោម ឃុំកោះចូរាម ស្រុកខ្សាច់កណ្តាល ខេត្តកណ្តាល ។
បើតាមប្រភពអ្នកឃើញហេតុការបានលើកឡើងថា មុនកើតហេតុ គេឃើញស្ត្រីវ័យចំណាស់ម្នាក់ អាយុ ៥៨ឆ្នាំ បានដើរឆ្លងកាត់ផ្លូវជាតិ៣៨១ ចំណុចកើតហេតុ ក៏មានម៉ូតូ១គ្រឿងម៉ាកសេ១២៥ សេរីឆ្នាំ២០១០ បើកបរដោយស្ត្រីម្នាក់(ឆាយ សុលីកា) ធ្វើដំណើរមកពីទិសខាងត្បូងទៅជើង បានបុកស្ត្រីវ័យចំណាស់បានបណ្តាយអោយ រងរបួសក្រំក្នុងខ្លួន ធ្លាក់ឈាមតាមមាត់ ចំណែកឯស្ត្រីបង្ករ បានទទួលរងរបួសយ៉ាងធ្ងន់ធ្ងរបាក់ដៃ និងបែកមាត់ ។
ក្រោយពីកើតហេតុភ្លាមៗ កម្លាំងសមត្ថកិច្ចប៉ុស្តិ៍រដ្ឋបាលនគរបាលកោះចូរ៉ាម និងប្រជាពលរដ្ឋជិតខាង ជួយលើកយកដាក់នៅចិញ្ចើមផ្លូវ និងទូរស័ព្ទហៅរថយន្តសាមុយពេទ្យស្រុកខ្សាច់កណ្តាលយកទៅសង្គ្រោះនៅមន្ទីរពេទ្យក្រុងភ្នំពេញ វត្ថុតាំងម៉ូតូបង្កត្រូវបានកម្លាំងនគរបាលទទួលផែនចរាចរណ៍ផ្លូគោគ ស្រុកខ្សាច់ ខេត្តកណ្តាល យកទៅរក្សាទុករងចាំដោះស្រាយគ្នាជាក្រោយ។
គួររំលឹកផងដែរថា ករណីគ្រោះថ្នាក់ចរាចរណ៍នេះ ត្រូវបានមហាជនធ្វើការរិះគន់ថា ស្ត្រីជនបង្កបើកបរម៉ូតូ ក្នុងទីប្រជុំជនល្បឿនលឿនដូចហោះ ម្យ៉ាងទៀតចំណុចភូមិកើតហេតុខាងលើនេះ ពេលព្រឹកមានប្រជាពលរដ្ឋជាច្រើន ធ្វើដំណើរឆ្លងកាត់ និងមានសិស្សសាលាក៏ធ្វើដំណើរទៅសាលារៀនជាច្រើនកុះករ៕ ដោយ VD7