គ្រោះថ្នាក់ចរាចរណ៍មួយយ៉ាងរន្ធត់បានកើតឡើងនៅប្រទេសឥណ្ឌូណេស៊ី បណ្ដាលឲ្យមានមនុស្សយ៉ាងហោចណាស់ ១១នាក់បានស្លាប់ និងរាប់សិបនាក់ផ្សេងទៀតរបួសធ្ងន់ ខណៈដែលរថយន្តក្រុងដឹកអ្នកដំណើរមួយគ្រឿងបើកបុករះទៅលើរថយន្តជាច្រើនគ្រឿង ដោយឧបទ្ទវហេតុនេះបានកើតឡើងកាលពីយប់ថ្ងៃអាទិត្យម្សិលមិញ។ នេះបើតាមការចុះផ្សាយរបស់សារព័ត៌មាន Channel News Asia នាព្រឹកថ្ងៃទី០១ ខែឧសភា ឆ្នាំ២០១៧។
អាជ្ញាធរបានបញ្ជាក់ថា រថយន្តក្រុងដឹកអ្នកដំណើរមួយគ្រឿង បានបុករះមកលើរថយន្តដទៃទៀតចំនួន ៤គ្រឿង និងម៉ូតូជាច្រើនគ្រឿងនៅតាមផ្លូវ ភ្លាមៗនោះក៏បានក្រឡាប់តែម្ដងនៅខាងលិចខេត្ត Java ប្រទេសឥណ្ឌូណេស៊ី ចម្ងាយប្រមាណជា ៩០គីឡូម៉ែត្រពីខាងត្បូងក្រុង ហ្សាកាតា ដោយសង្ស័យថា អាចនឹងបណ្ដាលមកពីរថយន្តដាច់ហ្រ្វាំង៕ ផ្ដល់សិទ្ធដោយ៖ Kqube