នៅតំបន់ស្វយ័ត ខេត្ត Guangxi Zhuang ភាគខាងត្បូងប្រទេសចិន ក្នុងទីប្រជុំជន Yulin បានប្រារព្ធពិធីបុណ្យចម្លែកមួយ គឺបុណ្យហូបសាច់ឆ្កែនិងឆ្មា ហើយក្នុងរយៈពេល ពីរទៅបីថ្ងៃអំឡុងបុណ្យនេះ មានសត្វឆ្កែ និងឆ្មា ដល់ជាង១ម៉ឺនក្បាល ត្រូវបានសម្លាប់កោសរោម ព្យួរលក់ពេញទីក្រុង។
ក្រុមអង្គការសិទ្ធមនុស្ស និងស្រឡាញ់សត្វពិភពលោក បានធ្វើដំណើរទៅទីនោះ បានសួរទៅអាជ្ញាធរហេតុអីបានជា មានការសម្លាប់សត្វឆ្កែ និងឆ្មាច្រើនម្ល៉េះ ហើយក្រុមអាជ្ញាធរបានឆ្លើយថា នេះជាការប្រារព្ធពិធីបុណ្យខួប ហូបសាច់ឆ្កែ និងឆ្មា ប្រចាំឆ្នាំនៅក្នុងតំបន់ ហើយត្រូវបានប្រារព្ធឡើង ក្នុងខែមិថុនា រៀងរាល់ឆ្នាំ។
តាមរបាយការណ៍ថ្មីមួយ បានរកឃើញថា ការជួញដូរ លក់ទិញដ៏ព្រៃផ្សៃនេះ បានកើតឡើងនៅទីក្រុង Yulin ស្ទើរតែរាល់ឆ្នាំ ហើយក្នុងមួយថ្ងៃៗ មានសត្វឆ្កែ និងឆ្មា៣០០ក្បាល ត្រូវបានសម្លាប់ព្រមទាំងមានភស្តុតាង អំពីការលួចសត្វចិញ្ចឹមទៀតផង។
ពេលអង្គការ សិទ្ធមនុស្សអន្តរជាតិ ផ្នែកការពារជីវិតសត្វចិញ្ចឹម បានធ្វើដំណើរទៅទីក្រុង Yulin ចំបុណ្យខួបហូបសាច់ឆ្កែ ពួកគេបានឃើញទិដ្ឋភាព ដ៏ភ្ញាក់ផ្អើលនៃការសម្លាប់សត្វដ៏ឃោរឃៅ។ លោកបណ្ឌិត Peter Li អ្នកជំនាញរបស់អង្គការខាងលើ បានទៅដល់កន្លែងពិឃាត សត្វបានដឹងពីអ្នកសម្លាប់ថា យ៉ាងហោចណាស់ មានឆ្កែនិងឆ្មា៣០០ក្បាល ត្រូវបានសម្លាប់រាល់ថ្ងៃ។
បើតាមម្ចាស់ហាង លក់សាច់ឆ្កែមួយបានប្រាប់ទៅ HSIថា អតិជនអាចរកសាច់ឆ្កែ បានប្រាប់ពេលពួកគេ គ្រាន់តែខលមកកម៉្មង់ ហើយសាច់ត្រូវបាន ដឹកទៅដល់កន្លែងភ្លាមៗ។ សាច់សត្វទាំងនេះ ត្រូវបានដឹកយកមកពីក្រៅតំបន់ ហើយរាល់ថ្ងៃ យ៉ាងហោចណាស់ ក៏មានឡានកុងទីន័រដឹកឆ្កែមួយគ្រឿង ចូលមកក្នុងទីក្រុងដែរ។
តាមការប៉ាន់ប្រមាណ មានឆ្កែចាប់ពី១០ទៅ២០លានក្បាល ត្រូវបានសម្លាប់ដើម្បីបម្រើ សេចក្ដីត្រូវការរបស់មនុស្ស ក្នុងប្រទេសចិនរៀងរាល់ឆ្នាំ។
វាជាអំពើឃោរឃៅខុសច្បាប់ មានទោសដល់ថ្នាក់ព្រហ្មទណ្ឌ និងមានគ្រោះថ្នាក់ ដល់សុខភាពមនុស្ស។ អង្គការសុខភាពពិភពលោក បានបញ្ជាក់ថា ការហូបសាច់ឆ្កែដ៏ច្រើននេះ ធ្វើឲ្យមានករណីកើនឡើងច្រើន នៃការកើតជំងឺឆ្កែឆ្កួត និងអាសន្នរោគ ។
