តារាសម្ដែង Liu Yifei បានក្លាយជាចំណុចកណ្ដាលនៃការចាប់អារម្មណ៍យ៉ាងខ្លាំងក្នុងកម្មវិធី W China Gala កាលពីល្ងាចថ្ងៃទី ១ ខែវិច្ឆិកា ឆ្នាំ ២០២៦ បន្ទាប់ពីបង្ហាញខ្លួនជាភ្ញៀវចុងក្រោយបង្អស់លើកម្រាលព្រំក្រហម ក្នុងឈុតសម្លៀកបំពាក់បែបកូនក្រមុំដ៏ប្រណីត និងស្រស់ស្អាតដូចក្នុងរឿងនិទាន។
.png)
អ្វីដែលធ្វើឱ្យអ្នកគាំទ្រភ្ញាក់ផ្អើលនោះគឺ Liu Yifei បានជ្រើសរើសរ៉ូបវែងពណ៌ប្រាក់ភ្លឺចែងចាំង ធ្វើពីក្រណាត់ Satin ពីបណ្ដុំម៉ូត Haute Couture រដូវស្លឹកឈើជ្រុះ-រដូវរងា ឆ្នាំ ២០២៦ របស់អ្នករចនាម៉ូត Tamara Ralph ដោយផ្គួបជាមួយក្រណាត់ស្បៃស្តើងលើក្បាល និងគ្រឿងអលង្ការប្រណីតពីម៉ាក Bvlgari បានបង្កើតឱ្យមានរូបរាងបែបកូនក្រមុំដ៏ស្រស់ស្អាត និងថ្លៃថ្នូរ។

Liu Yifei ត្រូវបានរៀបចំឱ្យដើរបិទបញ្ចប់កម្មវិធីកម្រាលព្រំក្រហមក្នុងនាមជាភ្ញៀវចុងក្រោយ ដែលធ្វើឱ្យការបង្ហាញខ្លួនរបស់នាងកាន់តែមានភាពអស្ចារ្យ។ អ្នករៀបចំកម្មវិធីថែមទាំងបានប្រើពាក្យសរសើរថា «នាងមិនដើរតាមសម័យកាលទេ ព្រោះនាងផ្ទាល់គឺជាយុគសម័យមាស»។ មិនត្រឹមតែ Liu Yifei ប៉ុណ្ណោះទេ តារាស្រី Liu Zaning ក៏បានជ្រើសរើសឈុតបែបកូនក្រមុំផងដែរ ដោយស្លៀករ៉ូបពណ៌សលម្អដោយគុជខ្យង និងស្បៃកូនក្រមុំ ដែលធ្វើឱ្យអ្នកទាំងពីរក្លាយជាប្រធានបទប្រៀបធៀបលើបណ្ដាញសង្គម។.png)
គួរឱ្យដឹងថា W Gala ឆ្នាំនេះមានការរៀបចំកម្រាលព្រំក្រហមបែបសិល្បៈដោយបែងចែកជាបីផ្នែក។ តារានីមួយៗត្រូវបានរៀបចំឱ្យបង្ហាញខ្លួនជាមួយតន្ត្រី ឈុតឆាក និងភ្លើងពន្លឺផ្សេងៗគ្នា ដើម្បីបង្កើតជាការសម្ដែងបែបសិល្បៈលើកម្រាលព្រំក្រហម។
ការបង្ហាញខ្លួនលើកនេះបានធ្វើឱ្យ Liu Yifei បង្ហាញភាពស្រស់ស្អាតបែបបុរាណ និងភាពប្រណីតដែលជាស្ទីលផ្ទាល់ខ្លួនរបស់នាង ហើយក៏បានធ្វើឱ្យឈុតកូនក្រមុំរបស់នាងក្លាយជារូបរាងមួយក្នុងចំណោមរូបរាងដែលទាក់ទាញការចាប់អារម្មណ៍ខ្លាំងបំផុតប្រចាំកម្មវិធី៕










