លោកជំទាវ នៅ សូនិតា តារាសម្តែង សេង មង្គល លោក សាន់នី បានបង្ហាញប្រតិកម្មទៅកាន់តារាសម្តែង ហេង ស្រីពេជ្រ «យកស្ព្រៃយ៍បាញ់សក់បាញ់ប្រាសាទ»។ អ្នកលេងបណ្តាញសង្គមដទៃទៀតបានបញ្ចេញមតិរិះគន់យ៉ាងចាស់ដៃចំពោះសកម្មភាពរបស់តារាសម្តែងរូបនេះដែលលេង Trend ជាមួយនឹងបុរសម្នាក់។
ថ្មីៗនេះនៅលើបណ្តាញសង្គមមានអ្នកសិល្បៈជាច្រើនរូបបានរួបរួមគ្នាបង្ហាញពី Trend ស្បៃខ្មែរ ដែលធ្វើឱ្យកក្រើកពេញប្រព័ន្ធផ្សព្វផ្សាយរហូតមានមតិសរសើរយ៉ាងខ្លាំងចំពោះការសាមគ្គីគ្នាជាធ្លុងមួយបែបនេះ។ ទោះជាយ៉ាងណាក៏ចូលរួមលេង Trend របស់តារាសម្តែង ហេង ស្រីពេជ្រ ដែលចំណាំដើរតួអង្គកាចឆ្នាសបានធ្វើឱ្យអ្នកលេងបណ្តាញសង្គមរិះគន់យ៉ាងខ្លាំងសូម្បីតែអ្នកសិល្បៈមួយចំនួនក៏ចេញមកប្រតិកម្មដូចគ្នា។
ហេតុការណ៍ចម្រូងចម្រាសនេះបានកើតឡើងដោយសារតែតារាសម្តែង ហេង ស្រីពេជ្រ បានយកស្ព្រៃយ៍បាញ់សក់ទៅបាញ់ប្រាសាទដោយមនុស្សជាច្រើនចាត់ទុកថាទង្វើនេះខុសឆ្គងយ៉ាងខ្លាំងរហូតជំរុញឱ្យក្រសួងវប្បធម៌មានវិធានការណ៍។
លោកជំទាវ នៅ សូនិតា បានចែករំលែកវីដេអូដែលកំពុងចម្រូងចម្រាសនេះដោយមិនបាននិយាយអ្វីទេប៉ុន្តែអនុប្រធានសមាគមសិល្បករបានដាក់រូប Emoji ហាក់ដូចជាមិនពេញចិត្តឡើយ។
ងាកមកកាន់តារាសម្តែង សេង មង្គល វិញលោកបានបង្ហោះនៅលើបណ្តាញសង្គមថា «ជាតារាសម្តែងអាយុច្រើនហើយនៅមិនដឹងស្អីទៀតហេតុតែចង់ល្បីយកSpayបាញ់សក់ទៅបាញ់លើថ្មប្រាសាទធ្វើវីដេអូContent»។ លោកបានសង្កត់ធ្ងន់ថា «ចាស់តែអាយុខួរក្បាលប៉ុនកូនដៃ»។
ចំណែកឯតារាសម្តែង សាន់នី វិញបានលើកឡើងយ៉ាងដូច្នេះថា «ដល់គេរឹតបណ្តឹងថាគេពិបាកមិនឱ្យថតនៅប្រាសាទ បើសូម្បីតែរឿងដែលងាយស្រួលយល់បែបហ្នឹងក៏មិនយល់ទៅបំផ្លាញទាំងដុលអ៊ីចឹងអត់ដឹងនិយាយថាមិចទេ»។
ពលរដ្ឋជាច្រើនបានបញ្ចេញមតិរិះគន់ថានេះមិនមែនជាការលើកស្ទួយនោះទេ ប៉ុន្តែជាការបំផ្លាញសម្បត្តិដូនតាទៅវិញសូម្បីតែដៃទទេគេសឹងតែមិនប៉ះប្រាសាទផងបែរជាតារាសម្តែងរូបនេះយកស្ព្រៃយ៍បាញ់សក់ទៅបាញ់ប្រាសាទទៅវិញ។ មនុស្សមួយចំនួនក៏បានMention ផេកក្រសួងវប្បធម៌ និងវិចិត្រសិល្បៈ ឱ្យមានវិធានការលើរឿងនេះផងដែរ៕
