កក្កដា សុភ័ណ្ឌ រិះគ.ន់ទៅកាន់ព្រលានយន្តហោះនៅខេត្តសៀមរាប

កក្កដា សុភ័ណ្ឌ បានចេញវីដេអូមួយដែលមានការរិះគន់ក្នុងន័យស្ថាបនាទៅកាន់ព្រលានយន្តហោះនៅក្នុងខេត្តសៀមរាបដែលមានសភាពក្តៅខុសពីព្រលាននៅរាជធានីភ្នំពេញ។ ក្នុងនាមខ្លួនជាអតិថិជនម្នាក់ដែលចំណាយថវិកាក្នុងការទិញសំបុត្រ កក្កដា សុភ័ណ្ឌ ចង់ឱ្យមានការកែប្រែលើចំណុចនេះដើម្បីបង្កភាពងាយស្រួលដល់អ្នកធ្វើដំណើរឬអ្នករង់ចាំ។

ថ្មីៗនេះ កក្កដា សុភ័ណ្ឌ បានបង្ហាញខ្លួននៅលើទឹកដីកម្ពុជាបន្ទាប់ពីចេញទៅនៅសហរដ្ឋអាម៉េរិកកន្លងមក។ Miss Trans Star Cambodia 2025 ក៏បានបង្ហាញពីរូបភាពទស្សនាប្រាសាទនានាដែលស្ថិតនៅខេត្តសៀមរាបផងដែរ។ ទោះយ៉ាងណា អ្វីដែលជាការចាប់អារម្មណ៍គឺវីដេអូមួយរបស់ កក្កដា សុភ័ណ្ឌ បានធ្វើការរិះគន់ទៅកាន់ព្រលានយន្តហោះក្នុងខេត្តសៀមរាប។

នៅថ្ងៃទី១១ ខែកញ្ញា កក្កដា សុភ័ណ្ឌ បានចេញវីដេអូមួយដោយភ្ជាប់មកជាមួយនឹងចំណងជើងថា «ស្មាទោសន្សំសំចៃសាហាវលោក»។ ក្នុងវីដេអូនេះ កក្កដា សុភ័ណ្ឌ បាននិយាយថាព្រលានយន្តហោះនៅសៀមរាបដូចជាមានការសន្សំសំចៃភ្លើង ធ្វើឱ្យខ្លួនបែកញើសតែម្តងមិនដូចជាព្រលាននៅភ្នំពេញនោះទេ។ កក្កដា សុភ័ណ្ឌ ថាប្រសិនជាការ complain នេះមានការខុសឆ្គងយ៉ាងណាសុំប្រកាន់រូបគេពីព្រោះការជិះយន្តហោះគឺអស់លុយហើយការនិយាយនេះគឺក្នុងនាមជាអតិថិជនម្នាក់ ដែលជិះពីរាជធានីភ្នំពេញមកកាន់ខេត្តសៀមរាបក្នុងតម្លៃជាង១០០ដុល្លារ។

ការលើកឡើងរបស់ កក្កដា សុភ័ណ្ឌ បានបង្កឱ្យមានមតិចម្រុះដោយមនុស្សមួយចំនួនសម្តែងការយល់ស្របនូវអ្វីដែល កក្កដា សុភ័ណ្ឌ បានលើកឡើងនេះ។ អ្នកដែលមានបទពិសោធន៍ទៅផ្ទាល់មួយចំនួនមានទាំងអ្នកធ្វើការនៅទីនោះផងក៏លើកឡើងបែបនេះដូចគ្នាថានៅក្នុងព្រលានមិនសូវជាត្រជាក់នោះទេ។

មតិខ្លះទៀតក៏លើកឡើងដែរថាការរិះគន់ក្នុងន័យបែបស្ថាបនាគួរតែមានការទទួលយក ចំណែកមតិផ្សេងទៀតថាប្រសិនជា កក្កដា សុភ័ណ្ឌ ចង់ complain ទាក់ទងនឹងការបើកម៉ាស៊ីនត្រជាក់គួរតែទៅ Office ផ្ទាល់មិនមែនមកនិយាយដាក់លើទិកតុកនោះទេ។

គួរបញ្ជាក់ផងដែរថា អាកាសយានដ្ឋានអន្តរជាតិសៀមរាប-អង្គរ បានបើកដំណើរការជាផ្លូវការនៅថ្ងៃទី ១៦ ខែតុលា ឆ្នាំ ២០២៣ ក្នុងទំហំទឹកប្រាក់ ៨៨០លានដុល្លារ ៕