ខ្សែប្រយុទ្ធកីឡាករ Sadio Mane នឹងត្រូវបានព្យាបាលរបួសដោយគ្រូធ្មប់ ខណៈដែលសេណេហ្គាល់ចង់ព្យាបាលរបួសរបស់គាត់មុនការប្រកួត World Cup ឆ្នាំ ២០២២ នៅប្រទេសកាតាដែលសល់ពេលមិនដល់មួយសប្តាហ៍ទៀតនោះទេ។
Mane បានទទួលរងបួសក្រោយពីជួយឱ្យ Bayern Munich យកឈ្នះក្រុម Werder Bremen ក្នុងលទ្ធផល ៦-១ កាលពីសប្តាហ៍មុន។
នាយកប្រតិបត្តិជាន់ខ្ពស់របស់សេណេហ្គាល់ លោកស្រី Fatma Samoura ដែលជាអគ្គលេខាធិការស្ត្រីទីមួយរបស់ FIFA និយាយថា ប្រសិនបើការព្យាបាលធម្មតា មិនជាទាន់ពេលនោះទេ ពួកគេនឹងបង្ខំចិត្តប្រើប្រាស់គ្រូធ្មប់ ដើម្បីឱ្យ Mane បានទៅចូលរួម World Cup។
បើតាមការព្យាបាលធម្មតា Mane អាចនឹងជាទាន់ប្រកួតទី៣ នៃ World Cup ក៏ប៉ុន្តែសហព័ន្ធបាល់ទាត់សេណេហ្គាល់ចង់ឃើញកីឡាកររូបនេះបង្ហាញខ្លួនតាំងពីប្រកួតដំបូង៕
ប្រភព៖ Talk Sports
