កញ្ញា តន់ ច័ន្ទសីម៉ា តារាចម្រៀងកំពុងពេញនិយមនៅក្នុងស្រទាប់យុវវ័យទើបតែបង្ហោះរូបភាព Pre-Graduation របស់ខ្លួនដែលនឹងត្រៀមទទួលបរិញ្ញាប័ត្រសេដ្ឋកិច្ចនៅថ្ងៃទី១ ខែវិច្ឆិកា ស្អែកនេះនៅមជ្ឈមណ្ឌល សន្និបាត និងពិរណ៍អន្តរជាតិជ្រោយចង្វារ។
តារាចម្រៀងដែលជានិស្សិតសាកលវិទ្យាល័យភូមិន្ទនីតីសាស្ត្រនិងវិទ្យាសាស្ត្រសេដ្ឋកិច្ចរូបនេះ បានចែករំលែករូបភាពជាមួយនឹងបងប្អូនខ្លួននៅលើបណ្ដាញសង្គម Ton ChanSeyma តន់ ចន្ទសីម៉ា ព្រមជាមួយនឹង Caption ថា៖ ពុកម៉ែបានធ្លាប់ប្រាប់ថា ម៉ែគ្មានអ្វីចែកឱ្យទេ មានតែចំណេះវិជ្ជាកូនខិតខំណា កូនសូមអរគុណលោកពុកអ្នកម៉ែ។ ជួបគ្នាថ្ងៃ 1 ខែ វិច្ឆិកា ឆ្នាំ 2022 OCIC “។
នេះគឺជាគំរូដ៏ល្អមួយសម្រាប់ពន្លកយុវវ័យជំនាន់ក្រោយ ដោយមិនត្រូវបោះបង់ចោលការសិក្សា មិនថារវល់បុិនណាក៏ដោយ ត្រូវតែតស៊ូជម្នះឧបសគ្គរហូតសម្រេចបានគោលដៅ៕