តារារ៉បេជួរមុខកម្ពុជា លោក វណ្ណដា បានបញ្ចេញបទចម្រៀងមួយបទកាល់ពីយប់ថ្ងៃសៅកន្លងទៅ ដែលមានចំណងជើងថា J+0 Version 2 បានបង្កការភ្ញាក់ផ្អើលដល់សិល្បករផ្សេង និងមហាជន។
នៅក្នុងឃ្លាមួយនៃបទ J+0 II នេះ វណ្ណដា បានដៀលចំៗ ចំពោះអ្នកដែលធ្វើឱ្យបទចម្រៀងរបស់ខ្លួនបែកធ្លាយចេញទៅក្រៅ ដោយបានច្រៀងថា ៖ “មានអាមួយលែងរាប់ថាប្អូន អាហ្នឹងសុីបាយបំបង់បាយ ថោកអស់លេខ ពេលវា Hype ពេក បទមិនទាន់ចេញយកបទទៅចែកចាយ”។
មួយឃ្លានេះបានធ្វើឱ្យមហាជន មានភាពងឺឆ្ងល់ជាខ្លាំង ដោយមនុស្សជាច្រើនបានបញ្ចេញមតិនៅក្នុងបទចម្រៀងនេះ ដោយស្វែងរកម្នាក់នោះជានរណា ក៏ប៉ុន្តែនៅតែមិនទាន់ដឹងនៅឡើយនោះទេ។
ដោយឡែកមួយឃ្លាចុងក្រោយនៃបទចម្រៀង បានធ្វើឱ្យមហាជនភ្ញាក់ផ្អើលជាខ្លាំង ដោយគិតថាវណ្ណដា ច្រៀងបោះពាក្យទៅលោក ជី ដេវីត បន្ទាប់ពីវណ្ណដាច្រៀងថា៖ “អ្នកខ្លះឮបទនេះបែកធ្លាយ ខឹងពេកធ្វើមួយអាល់ប៊ុម គេថាគេTop one Top ចុងភូមិ Top សហគម ពីរបីឆ្នាំហើយនៅឡើយតាមដានជើងខ្ញុំ លុបនេះលុបនោះឆ្លៀតរត់ទៅបួសតិចដោយសារខ្ញុំ ហ៊ានលុបឆាណែល បទស្ដាប់មិនកើត រាក់កំផែល ជិតធ្វើឪគេ នៅឡេឡឺធ្វើឡាឡា យកបទខ្ញុំបែកមកលេងសើច តែខ្ញុំ Send You to Hell…”។
ការពេលកន្លងទៅ ជី ដេវីត បានចេញបទចម្រៀងរបស់ខ្លួនគឺបទ “My Brother” ឱ្យអ្នកគាំទ្របានស្ដាប់និងទស្សនា មានអ្នកវិភាគខ្លះបានលើកឡើងថាអត្ថន័យបង្កប់ក្នុងបទចម្រៀងនេះគឺសំដៅទៅដល់វណ្ណដា៕
ស្តាប់បទចម្រៀងពេញ៖ J+0II
ស្តាប់បទចម្រៀងពេញ៖ My Brother