ប៉ូលិសនៅទីក្រុង សាន់ហ្វ្រាន់ស៊ីស្កូកាលពីថ្ងៃទី ២៨ ខែតុលា បានប្រកាសថាពួកគេបានចាប់ខ្លួនលោក David Depape ដែលជាសង្ស័យ វ័យ៤២ឆ្នាំ ដែលបានប្រើញញួរទៅវាយប្រហារប្តីលោកស្រី Pelosi។
អ្នកនាំពាក្យរបស់លោកស្រី Nancy Pelosi បាននិយាយថា លោក Depape “បានគំរាមកំហែងដល់អាយុជីវិតរបស់លោក Paul Pelosi ដោយបានទារចង់ជួបជាមួយប្រធានសភាតំណាងរាស្ត្រអាមេរិក”។ Depape បាននិយាយថា “តើ Nancy នៅឯណា?” ហៅនាងមកជួបខ្ញុំ។
ប៉ូលិសក្នុងតំបន់ បាននិយាយថាជនសង្ស័យរូបនេះ នឹងត្រូវចោទប្រកាន់ពីបទប៉ុនប៉ងមនុស្សឃាត ចោរកម្ម និងបទឧក្រិដ្ឋផ្សេងទៀត ប៉ុន្តែលោកបានបដិសេធមិនផ្តល់ព័ត៌មានលម្អិតបន្ថែមអំពីការវាយប្រហារនោះទេ៕
ប្រភព៖ VN Express