នៅទីបំផុតកម្មវិធី Miss Grand International 2022 បានរកឃើញម្ចាស់មកុដហើយ គឺបានទៅលើ Miss Grand Brazil 2022 គឺបវរកញ្ញា Isabella Menin ជាកូនកាត់ប្រេស៊ីល-អ៊ីតាលីមានវ័យ ២៦ឆ្នាំ និងកម្ពស់ 1.78 ម៉ែត្រ។
កញ្ញាគឺជាបេក្ខភាពបវរកញ្ញាខ្លាំងមួយរូប ដែលអាចដណ្ដើមពីភាពជោគជ័យពីបវរកញ្ញាមកពី ៦៨ ប្រទេសផ្សេងទៀត នៅលើវេទិកាប្រកួតដ៏អស្ចារ្យមួយនេះ នៅរាត្រីថ្ងៃទី 25 ខែតុលា ឆ្នាំ ២០២២។
បវរកញ្ញា Isabella Menin បានបញ្ចប់ការសិក្សាថ្នាក់អនុបណ្ឌិត (First-Class Honors) ផ្នែកសេដ្ឋកិច្ចពី University of Westminster និងបានបញ្ចប់ការសិក្សាបរិញ្ញាផ្នែកហិរញ្ញវត្ថុពីសកលវិទ្យាល័យ College London។ កញ្ញាមានសមត្ថភាពអាចនិយាយបានដល់ទៅ ៥ភាសាដូចជា ព័រទុយហ្គាល់ អង់គ្លេស អេស្ប៉ាញ បារាំង និងអ៊ីតាលី។
ដោយឡែកកញ្ញា ពេជ្រវត្តី សារ៉ាវឌ្ឍី ក៏ទទួលបានមកុដមួយក្នុងចំណោមមកុដទាំង ១០ សម្រាប់តំណែង 5th runner up (៥ស្ទួន) នៅក្នុងកម្មវិធី Miss Grand International 2022ផងដែរ។
នៅពេលទទួលមកុដកញ្ញា បានគ្រងឈុតស្រូវនៃកម្ពុជា ដែលបង្ហាញនិងលើកកម្ពស់ពីភោគផលដំណាំកសិកម្មនៃប្រទេសជាតិ ពិសេសដំណាំស្រូវ ជាផ្នែកមួយជួយជំរុញលើកទឹកចិត្ត និងថ្លែងអំណរគុណដល់ប្រជាកសិករទូទាំងប្រទេសកម្ពុជា៕