បើនិយាយពី “មើមឈូកទឹកកក” មនុស្សជាច្រើនប្រាកដជាស្គាល់ច្បាស់ ព្រោះវាមិនត្រឹមតែជាផ្លែឈើដែលមានរសជាតិឆ្ងាញ់ប៉ុណ្ណោះទេ ប៉ុន្តែក៏បានផ្ដល់នូវអត្ថប្រយោជន៍ជាច្រើនចំពោះសុខភាព ។ ជាមួយគ្នានេះ មើមឈូកទឹកកកនេះក៏ត្រូវបានគេដឹងថា គឺជាផ្លែឈើដ៏ពេញនិយមបំផុតមួយក្នុងប្រទេសចិន និងដើមកំណើតនៅអាមេរិកខាងត្បូង។ ដែលវាត្រូវបានគេហៅថា “Xuelian Guo” ជាភាសាចិន ឬមានឈ្មោះជាភាសាអង់គ្លេសថាYacon និងមានឈ្មោះវិទ្យាសាស្ត្រថា Smallanthus sonchifolius ។
មិនតែប៉ុណ្ណោះមើមឈូកទឹកកកនេះក៏ត្រូវបានគេដឹងថា វាអាចបរិភោគបានទាំងឆៅ និងឆ្អិន ព្រោះតែនៅពេលឆៅវាមានរសជាតិផ្អែម ស្រួយ និងសម្បូរទៅដោយជាតិទឹកជាច្រើនដែលជួយធ្វើឲ្យត្រជាក់រាងកាយពីខាងក្នុង ។
មើមឈូកទឹកកកនេះ ក៏ជាផ្លែឈើដែលមានកាឡូរីទាបនិងស័ក្តិសមសម្រាប់អ្នកដែលចង់សម្រកទម្ងន់ និងមានលក្ខណៈសម្បត្តិជាឱសថសម្រាប់ព្យាបាលជំងឺជាច្រើន ព្រមទាំងមានសារធាតុប្រឆាំងអុកស៊ីតកម្មខ្ពស់ ជួយចិញ្ចឹមស្បែកឱ្យរឹងមាំ និងកាត់បន្ថយហានិភ័យនៃការវិវត្តទៅជាជំងឺមហារីកថែមទៀតផង ។
ខាងក្រោមនេះគឺជាអត្ថប្រយោជន៍ដែលបានមកពីការទទួលទានមើមឈូទឹកកកស្រស់ ដែលមនុស្សជាច្រើនមិនបានដឹង ៖
– ជួយពន្យឺតការខ្សោះជីវជាតិនៃរាងកាយ
– មានកាឡូរីទាប ប៉ុន្តែមានជាតិសរសៃច្រើន ដែលស័ក្ដិសមបំផុតសម្រាប់អ្នកដែលកំពុងគ្រប់គ្រងទម្ងន់
– ជួយឱ្យការបន្ទោរបង់កាន់តែប្រសើរ
– ជួយកាត់បន្ថយជាតិខ្លាញ់ក្នុងឈាម និងកាត់បន្ថយជាតិស្ករក្នុងឈាម
– ការពារការកកខ្លាញ់ក្នុងសរសៃឈាមអាកទែរ និងជំងឺផ្សេងៗទៀតទាក់ទងនឹងបេះដូង និងសរសៃឈាម
– ជួយកាត់បន្ថយសម្ពាធឈាម
– ជំនួយដល់ការរំលាយអាហារ ការពារការទល់លាមក និងរាគ
– ជួយបណ្តេញជាតិពុលក្នុងរាងកាយ
– ជួយព្យាបាលកំដៅក្នុងរាងកាយ
– ព្រមទាំងជួយកាត់បន្ថយហានិភ័យនៃជំងឺបេះដូងបានយ៉ាងល្អផងដែរ ។