សង្គ្រាមលោកលើកទី១បានចាប់ផ្តើមពី១៩១៤ ដល់ ១៩១៨ ដែលប្រទេសជាច្រើនជុំវិញពិភពលោក ជាពិសេសនៅទ្វីបអាស៊ី ត្រូវបានពួកអាណានិគមកេណ្ឌទ័ពយកទៅច្បាំងនៅទ្វីបអឺរ៉ុប។
នៅក្នុងនោះផងដែរ ប្រទេសនៅភូមិផងរបងជាមួយយើង គឺសៀម(ថៃ) ក៏ធ្លាប់បានឈានចូលសង្គ្រាមលោកលើកទី១ផងដែរ ដោយគ្រានោះ ពួកគេបានប្រកាសសង្គ្រាមជាមួយអាល្លឺម៉ង់ និងចក្រភពអូទ្រីស-ហុងគ្រី នៅឆ្នាំ១៩១៧ ក្រោមរជ្ជកាលព្រះចៅ រាមាទី ៦ ។
គ្រាន់តែសង្គ្រាមលោកបានកើតឡើងភ្លាម ព្រះរាជាណាចក្រសៀម (ថៃ) បានបញ្ជូនទ័ពចូលរួមក្នុងសង្គ្រាមទ្វីបអឺរ៉ុប ជាមួយប្រទេសអាស៊ី ៣ផ្សេងទៀត មានដូចជា ប្រទេសចិន, ជប៉ុន និង ពែរ្ស (អ៊ីរ៉ង់)។
ពេលនោះទ័ពសៀមមានចំនួនប្រមាណ ១,២០០នាក់ និង បាត់បង់ជីវិត ១៩នាក់។ ការចូលរួមសង្គ្រាមនេះ គឺដើម្បីលើកមុខមាត់របស់សៀមក្នុងឆាកអន្តរជាតិ និង ពង្រឹងអំណាចរាជានិយមនៅក្នុងស្រុករបស់គេ។
មុន២ខែ នៃការបញ្ចប់សង្គ្រាមលោកលើកទី១ ថៃបានគ្រប់គ្រងទីក្រុង Neustadt an der Haardt នៃប្រទេសលុចហ្សាំប៊ូ។
ក្រោយតែពីបញ្ចប់សង្គ្រាមលោកលើកទី១ សៀមក៏បានចូលរួមក្នុងសន្និសីទសន្តិភាពទីក្រុងប៉ារីសឆ្នាំ ១៩១៩ ដែលជាការចុះសន្ធិសញ្ញានៅវិមានវែរសៃ (Versille)។
ក្រោយមកបានមួយឆ្នាំ ពោលនៅឆ្នាំ១៩២០ សៀមក៏ជាស្ថាបនិកមួយ ក្នុងចំណោមប្រទេសស្ថាបនិកជាង ៤០ប្រទេសទៀត ដែលបានបង្កើត សង្គមប្រជាជាតិ (League of Nations) នៅថ្ងៃទី ១០ ខែមករា ឆ្នាំ ១៩២០៕
ប្រភព: Wikipedia
