ការឈឺក្បាលប្រកាំង គឺជាជំងឺទូទៅមួយដែលតែងតែកើតឡើងចំពោះមនុស្សគ្រប់គ្នា ដោយវាមិនបង្កឲ្យកើតមានគ្រោះថ្នាក់ធ្ងន់ធ្ងរអ្វីចំពោះសុខភាពនោះឡើយ ។ ជំងឺឈឺក្បាលប្រកាំង គឺជាប្រភេទនៃការឈឺក្បាលដែលជារឿយៗកើតឡើងនៅផ្នែកម្ខាងនៃក្បាល ដោយពេលខ្លះវាអាចបណ្ដាលឲ្យមានការឈឺចាប់ឆ្វេងស្តាំឆ្លាស់គ្នា ។ ប៉ុន្តែប្រសិនបើអ្នកមិនបានព្យាបាលវាទេនោះ វានឹងបង្កជាការរំខានយ៉ាងធ្ងន់ធ្ងរមួយចំពោះជីវិតរស់នៅប្រចាំថ្ងៃ ។ ដូច្នេះប្រសិនជាអ្នកពិតជាចង់បំបាត់ការឈឺក្បាលនោះ អ្នកគួរតែកែប្រែទម្លាប់នៃការរស់នៅរបស់អ្នកបន្តិចម្តងៗដោយមិនចាំបាច់ប្រើប្រាស់ថ្នាំដើម្បីបំបាត់អាការៈទាំងអស់នេះញឹកញាប់ពេកនោះទេ ។
ដោយឡែក បើយោងទៅតាមលោកសាស្ត្រាចារ្យ បណ្ឌិត Sek Tanprasertsuk ជាវេជ្ជបណ្ឌិតផ្នែកជំងឺឈឺក្បាលប្រកាំង មកពីមន្ទីរពេទ្យ Chulalongkorn សមាគមកាកបាទក្រហមថៃ បានធ្វើការបញ្ជាក់ថា វិធីក្នុងការកាត់បន្ថយការឈឺក្បាលប្រកាំងដោយខ្លួនឯងដោយមិនចាំបាច់ប្រើថ្នាំមាន៦ចំនុច ។ លោកអ្នកអាចអនុវត្តន៍បានដោយខ្លួនឯងក្នុងជីវិតរស់នៅប្រចាំថ្ងៃប្រកបដោយប្រសិទ្ធភាព ដូចខាងក្រោម ៖
- ធ្វើលំហាត់ប្រាណឱ្យបានទៀងទាត់
- សម្រាកឱ្យបានគ្រប់គ្រាន់
- ជៀសវាងភាពតានតឹង
- ជៀសវាងស្ថិតនៅក្នុងកន្លែងដែលមានពន្លឺភ្លឺខ្លាំង
- ជៀសវាងអាហារមួយចំនួនដូចជា ប៊ឺ សូកូឡា គ្រាប់ធញ្ញជាតិ អាហារដែលមានជាតិ fermented
- កាត់បន្ថយការទទួលទានភេសជ្ជៈមួយចំនួន រួមទាំងស្រាក្រហម ស្រាបៀរ ឬស្រាសំប៉ាញ ជាដើម។ល។